11.12.2024 | 15:22
Հունգարիան վետո կդնի Վրաստանի դեմ ԵՄ պատժամիջոցների վրա
«Փայ մտնողների» պատիժները չտեսանք․ Թագուհի Թովմասյան. ՏԵՍԱՆՅՈՒԹ
Քաղաքականություն
10.05.2021 | 17:23
«Ես ուրախ եմ, որ Սևանա լճի մակարդակը բարձրանում է, բայց մենք պետք է նաև դրա հավանական հետևանքների մասին մտածենք, որովհետև ճաապարհներ կան, որ ջրասույզ են լինում, բնակավայրեր կան, որ ևս ջրասույզ լինելու, և այդ ամենի հետևանքները մեզ համար պետք է տեսանելի լինեն»,- այսօր ԱԺ հատուկ նիստի ընթացքում իր ելույթում ասաց անհկախ պատգամավոր Թագուհի Թովմասյանը՝ անդրադառնալով Սևանա լճի մակարդակի բարձրացման հետ կապված։
Պատգամավորն արձանագրեց, որ Փաշինյանի իշխանության տարիներին որոշ բարեփոխումներ եղել են՝ օրինակ՝ ճանապարհների բարեկարգումներ։ Նա նկատեց սակայն, որ օրինակ՝ չեն լուծվել մանկապարտեզներում հերթագրման հետ կապված խնդիրները և ծանոթով հերթագրումը շարունակվում է։
Անդրադառնալով Փաշինյանի մյուս հայտարարությանը, թե գյուղոլորտում շրջադարձային փոփոխություններ են եղել՝ պատգամավորը նկատեց՝ ՀՀ-ն անգամ գյուղատնտեսության նախարարություն չունի, և գյուղացին չի կարողանում իր ապրանքը իրացնել։ «Ես այդ մասին տեղյակ եմ պահել նաև Էկոնոմիկայի նախարարին, բայց սայլը տեղից չի շարժվում։ Գյուղացին շարունակում է զբաղվել գյուղատնտեսությամբ՝ կքելով վարկերի տակ և օր օրի աղքատանալով, իսկ խոշոր գործարարը՝ զբաղվելով գյուղատնտեսությամբ ավելի է հարստանում։ Այս խնդիրները չեն լուծվում»,- ասաց Թովմասյանը:
Ինչ վերաբերում է Փաշինյանի մատնանշած անկախ դատարաններին, ապա Թագուհի Թովմասյանը նշեց, որ ՀՀ-ն այսօր ունի մեծաթիվ դատավորներ, որոնք դժգոհում են իրենց վրա եղած ճնշումներից. «Լավ է, որ «վնգստացող» դատավորները փոխարինվել են «անկախ» դատավորների»։
Անդրադառնալով «փայ մտնելու» ինստիտուտին, պատգամավորն արձանագրեց. «Չունեցանք բացահայտումներ և «փայ մտնողների» պատիժները չտեսանք հետհեղափոխական Հայաստանում»:
Մանրամասները՝ տեսանյութում:
