17.09.2026 | 15:28
«Արևմուտքը բացահայտ միջամտում է Հայաստանի և Վրաստանի գործերին»․ Շոյգու
ԱԺ հատուկ նիստ՝ վարչապետի ընտրության հարցով․ Փաշինյանի և Քոչարյանի հայտարարությունները․ Լուրեր
Քաղաքականություն
10.05.2021 | 12:24
Ազգային ժողովում մեկնարկում է հատուկ նիստը, որի ժամանակ արդեն երկրորդ անգամ պետք է առաջադրվի վարչապետի թեկնածու։ Քաղաքական պայմանավորվածության համաձայն՝ այս անգամ ևս Ազգային ժողովը պետք է չընտրի վարչապետ, ինչից հետո խորհրդարանը արձակվելու է և նշանակվելու են հունիսի 20-ին նախատեսված արտահերթ խորհրդարանական ընտրությունները։
—
Վարչապետի պաշտոնակատար Նիկոլ Փաշինյանը երեկ այցելել է Գեղարքունիք, այցելել է զորամասերից մեկն ու եղել է բնակավայրերում։ Զորամասում հանդիպման ժամանակ նա նշել է, որ ոչինչ, որևէ բան չեն խնայել Շուշիի ազատագրման հերոսների ու նահատակների գործն ու փառքը պաշտպանելու համար։
Փաշինյանն ասել է, որ պետք է հասկանալ՝ ինչն է պատճառը, որ պատերազմի ընթացքում 9-րդ պաշտպանական շրջանի ճեղքումը տեղի ունեցավ, ինչը հետագայում չհաջողվեց կանգնեցնել։
—
Ազատության հրապարակում երեկ տեղի է ունեցել հանրահավաք, որը կազմակերպել էր երկրորդ նախագահ Ռոբերտ Քոչարյանի դաշինքը։ Մինչ այդ դաշինքով հանդես գալու փաստաթուղթ է ստորագրվել Քոչարյանի, ՀՅԴ-ի և Վերածնվող Հայաստան կուսակցության միջև։
Հանրահավաքի ժամանակ Քոչարյանն ասել է, որ այս իշխանությանը մնացել է 42 օր։ Նա առաջին ու երրորդ նախագահներին կոչ է արել միասնական պայքարել այս իշխանության դեմ։
