12.02.2026 | 20:45
Ինչ են ուզում հայ երիտասարդները․ կայացավ ԵՄ-Հայաստան երիտասարդական առաջին ֆորումը. ՏԵՍԱՆՅՈՒԹ
ԵՐԵՎԱՆԻ ԺԱՄԱՆԱԿՈՎ․ Այսօրվա իշխանությունը մեզ գերի գցեց իմպերիայի և Կրեմլի ձեռքը․ Հրանտ Վարդանյան․ ՏԵՍԱՆՅՈՒԹ
Քաղաքականություն
08.05.2021 | 17:02
«Մենք այդպես էլ չունեցանք մշակութային կառավարություն։ Եթե բանակի, կառավարության, պետության գործողությունները մշակված լինեին, պատերազմում չէինք պարտվի։ Բոլորս անմշակ ենք, գնացինք օտարի կոռուպցիոն պատրաստի մշակույթը ներմուծելու ճանապարհով։ Երեսուն տարի կորցրեցինք, բայց կառավարման մշակույթ ձեռք չբերեցինք»,- Factor.am-ի հետ զրույցում նման տեսակետ է հայտնում կինոռեժիսոր Հրանտ Վարդանյանը։
Նրա խոսքով՝ մեր իշխանությունները, բացի սովետական քաղաքականությունից, ուրիշ բան չեն տեսել և չեն ցանկացել աշխարհի այլ պետություններից երկիրը ոտքի հանելու օրինակներ վերցնել։
«Չի կարելի 21-րդ դարում ապրել այս աստիճանի ենթակա երկրում։ Այսօր շանորդիներն այնպես են գովերգում օտարին, որ հասկանում ես՝ լրտեսը կարող է իրեն այդպես պահել։ Երեսուն տարվա ընթացքում մենք չկարողացանք այնպես անել, որ մեզ հարգեն որպես փոքր պետություն, բայց մեծ ժողովուրդ։ մենք դա կարող էինք անել՝ հիմնվելով մեր մշակույթի վրա, բայց գնացինք ողորմություն խնդրելու ճանապարհով։ Որոշները գնացին ՄԱԿ-ում ռուսերեն խոսեցին, Արցախում ռուսերենը դարձավ երկրորդ պաշտոնական լեզու․․․»,- նշում է նա։
Ըստ կինոռեժիսորի՝ հիմա Հայաստանն իրեն վերագտնելու մեծ շանսեր ունի․ «Հայն իր մեջ կրիչ ունի, որին չի ուզում տեր կանգնել։ Մենք պետք է կաղապարված մտքից ազատվենք։ Այսօրվա իշխանությունը հեղափոխությունից հետո պետք է Հայաստանի սուվերենության համար կռիվ տար, այնինչ մեզ գերի գցեց իմպերիայի և Կրեմլի ձեռքը։ Հայը մասնակցեց ռուս-թուրքական «բաշիքյարթմային»՝ սա էր սարսափելին, իսկ ազնիվ զինվորը գնաց մեր երկիրը պաշտպանելու։ Ամեն դեպքում, մեր ապագան լուսավոր եմ տեսնում, եթե համախմբվենք հայկականության շուրջ»։
Հարցազրույցն ամբողջությամբ՝ տեսանյութում։
Աննա Բաբաջանյան
