17.09.2026 | 12:56
Երկրաշարժ Շողակաթ գյուղից 3 կմ հարավ-արևելք
Քոչարյանի մասին Փաշինյանի ձայնային հաղորդագրությունը․ Տեր-Պետրոսյանի առաջարկը Սերժ Սարգսյանին․ Լուրեր
Քաղաքականություն
07.05.2021 | 18:21
Խորհրդարանի այսօրվա նիստի ժամանակ Ալեն Սիմոնյանի հեռախոսից պատահաբար լսվեց Նիկոլ Փաշինյանի ձայնային հաղորդագրությունը, որ ասում էր․ «Ա՜, չգիտեմ, Քոչարյանի դատն ա»։ Սիմոնյանն այդ պահին արձագանքեց՝ ուփս, ու հետո լրագրողներին բացատրեց, որ որևէ արտասովոր բան չկա, բայց չհրապարակեց զրույցի մանրամասները՝ ասելով, որ այն մասնավոր զրույց է։
—
Առաջին նախագահ Լևոն Տեր-Պետրոսյանը նոր հայտարարություն է տարածել, որի համաձայն՝ երբ մերժվել է երեք նախկին նախագահների դաշինքով արտահերթ ընտրություններին մասնակցելու տարբերակը, ինքը Սերժ Սարգսյանին է առաջարկել կազմել ՀԱԿ-ՀՀԿ դաշինք։ Դա, ըստ առաջին նախագահի, նույնպես մերժվել է։ Տեր-Պետրոսյանը բացատրել է, որ այս տեղեկությունները հրապարակել է երկրորդ և երրորդ նախագահների վրա հասարակական ճնշում բանեցնելու համար, քանի որ համարում է, որ այդպիսի դաշինք կազմելու հնարավորություններ դեռ կան։
—
ԼՂ հակամարտությունից տուժած և Հայաստանում գտնվող ավելի քան 20000 տեղահանված անձ և մոտ 4000 հյուրընկալող ընտանիքներ կստանան ՀԲ-ի աջակցությունը: Սրա վերաբերյալ համաձայնագիր է ստորագրվել Հայաստանի ֆինանսների նախարարության և ՀԲ Հայաստանի գրասենյակի միջև։
—
