08.10.2026 | 11:11
Արծրուն Մարգարյանի և Վահրամ Խորխոռունու սպանությունների գործերով բացահայտումներ են եղել․ Փաշինյան
Ցեմենտի և կլինկերի ներմուծման համար պետական տուրք սահմանելու նախագիծն ընդունվեց առաջին ընթերցմամբ
Քաղաքականություն
07.05.2021 | 18:00
Ազգային ժողովն առաջին ընթերցմամբ ընդունեց «Պետական տուրքի մասին» օրենքում փոփոխություն կատարելու նախագիծը, որը վերաբերում է ցեմենտի և կլինկերի ներմուծումը կանոնակարգելու և տուրք սահմանելու հարցերին՝ 72 կողմ, դեմ 1, ձեռնպահ 4 ձայներով:
Կառավարության ներկայացրած նախագծով առաջարկվում է 25 հազար դրամ տուրքի չափ սահմանել ցեմենտի և 9 հազար դրամ՝ կլինկերի համար:
Նախագիծը ներկայացրած էկոնոմիկայի նախարարի պաշտոնակատար Վահան Քերոբյանի խոսքով՝ այս օրենքը ցեմենտի և կլինկերի ներմուծումը կանոնակարգելու, լիցենզավորվող գործունեություն դարձնելու և որոշակի տուրքով հարկելու մասին է:
«Այս տարբերակն ուղղված է եղել ՀՀ տնտեսական պոտենցիալի պահպանմանը և Հայաստանում ցեմենտի երկու գործարանների աշխատելու հնարավորությանը: Այս առաջարկը չի ընդունվել ԱԺ տնտեսական հարցերի մշտական հանձնաժողովում: Առաջինից երկրորդ ընթերցում մենք համաձայնել ենք ներկայացնել այն տարբերակը, որն իրենցն է և գործել է մինչև 2020 թվականի դեկտեմբերի 31-ը՝ մեկ ճշգրտմամբ. մի փոքր կավելանա կլինկերի ներմուծման տուրքը»,- նշեց Քերոբյանը:
Նախագիծն ընդունվեց կողմ, դեմ ձայների հարաբերակցությամբ։
