07.10.2026 | 23:48
Արթուր Դանիելյանը կալանավորվեց
Ցավոտ հետևանքներ կլինեն, եթե մեկն ընտրության ընթացքում օրենքը շրջանցելու պլաններ ունի. Գլխավոր դատախազ. ՏԵՍԱՆՅՈՒԹ
Քաղաքականություն
07.05.2021 | 11:46
Գլխավոր դատախազ Արթուր Դավթյանն ԱԺ-ում Դատախազության 2020 թվականի գործունեության հաղորդման քննարկման ժամանակ իր եզրափակիչ ելույթում շնորհակալություն հայտնեց բարեխիղճ գործընկերներին՝ կատարած աշխատանքի համար:
«Մեզ հաջողվել է գալ մի հանգրվանի, որ մեր երկիրը՝ ներքին կայունությամբ, խաղաղ մթնոլորտում, գնում է համապետական ընտրությունների: Ուզում եմ իմ կոչը, խնդրանքն ու հորդորը հղել ընտրական գործընթացի բոլոր մասնակիցներին: Մեր վիրավոր հայրենիքը թևակոխում է շատ ճակատագրական ու շատ կարևոր համապետական միջոցառման: Ընտրությունների նախորդ փորձը մեզ ցույց է տվել դրա բացասական ընթացքները, դրսևորումները և հետագա տասնապատիկ ավելի բացասական հետևանքները:
Հետևաբար ես կոչ եմ անում առանց բացառությամբ բոլորին՝ դրսևորել իրավահպատակ վարքագիծ. անկեղծ, առանց խաբելու, առանց կեղծելու, առանց ատելության խոսքի ու վիրավորանքի ներկայանալ մեր հանրությանը: Եվ յուրաքանչյուրն իր տեղում, իր չափով պատասխանատու լինել, որպեսզի ՀՀ յուրաքանչյուր քաղաքացի հանգիստ պայմաններում, ազատ կամարտահայտությամբ կարողանա իր ընտրությունն իրականացնել…
Միևնույն ժամանակ, որպես գլխավոր դատախազ, ստիպված եմ իմ նախազգուշական խոսքը ասել, որ եթե որևէ մեկի մտքով անցնելու է, որ այս պատասխանատու գործընթացում պլաններ ունի օրենքը շրջանցելու, ես այս պահին շատ բարեկամաբար զգուշացնում եմ, որ հետևանքները լինելու են շատ ցավոտ, որովհետև արձագանքը դրան լինելու է շատ-շատ կոշտ»,- նշեց Դավթյանը:
Մանրամասները՝ տեսանյութում:
