15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Մենք, հանձինս Ադրբեջանի ու Թուրքիայի, չունենք քաղաքակիրթ բարեկամներ․ պետք է հասկանանք․ Վ․ Վարդանյան. ՏԵՍԱՆՅՈՒԹ
Քաղաքականություն
06.05.2021 | 13:43
2020 թվականի աշնանը տեղի ունեցածը միջազգային հանցագործություն է, բախվել ենք խաղաղության դեմ ուղղված ագրեսիվ հանցագործության հետ: Այս մասին հայտարարեց «Իմ քայլը» խմբակցության պատգամավոր Վլադիմիր Վարդանյանը ԱԺ-ում ՄԻՊ տարեկան զեկույցի քննարկման ժամանակ:
«Պատերազմն ընդամենը շղարշ էր, որպեսզի ցեղասպանական քաղաքականությունը Թուրքիայի և Ադրբեջանի կողմից շարունակվի, և այն, ինչ տեսնում ենք դրանից հետո, ինչ տեսնում ենք Շուշիում, այդ խայտառակ պուրակում, տեսնում ենք, որ այդ պետությունը չի էլ թաքցնում իր մտադրությունը՝ ոչնչացնել հայկական ինքնությունը աշխարհի երեսից՝ Թուրքիայի հետ համագործակցաբար»,- նշեց Վարդանյանը:
Նրա խոսքով՝ պետք է չվարանենք ասել, որ ցավոք, Եվրոպայի խորհրդի անդամ պետություն ունենք, որը ռասիստական քաղաքականություն է իրականացնում՝ ընդգծված ու անթաքույց: «Մենք, հանձինս Ադրբեջանի ու Թուրքիայի, չունենք քաղաքակիրթ բարեկամներ․ պետք է հասկանանք սա»,-ընդգծեց Վարդանյանը:
Մանրամասները՝ տեսանյութում:
