31.10.2026 | 12:34
Կյանքի թանկացման դեմ բողոքի ցույցերը տարածվում են Եվրոպայում․ ակցիաներ են եղել նաև Իտալիայի ավելի քան 60 քաղաքում
Ռազմագերիների վերադարձման հարցը խիստ արդիական է մնում․ Այվազյանը՝ Լավրովի հետ ասուլիսին. ՏԵՍԱՆՅՈՒԹ
Քաղաքականություն
06.05.2021 | 12:54
ՌԴ արտաքին գործերի նախարարի հետ հանդիպմանն առանձնահատուկ անդրադարձ ենք կատարել ղարաբաղյան հակամարտության խաղաղ կարգավորմանը՝ ընդգծելով այն ուղղությունները, որոնցով պետք է ակտիվացնենք համատեղ ջանքերը: ՌԴ ԱԳ նախարար Սերգեյ Լավրովի հետ ԱԳՆ-ում հրավիրված ասուլիսում այս մասին հայտարարեց ՀՀ Արտաքին գործերի նախարարի պաշտոնակատար Արա Այվազյանը։
«Մանրամասն քննարկեցինք այն իրավիճակը, որը ձևավորվել է Հայաստանի, Ռուսատանի և Ադրբեջանի ղեկավարների՝ նախորդ տարվա նոյեմբերի 9-ի հայտարարությունից հետո՝ ուղղված ադրբեջանաթուրքական ագրեսիայի դադարեցմանը և Արցախում ռուս խաղաղապահների տեղակայմանը, որոնց ներկայությունն առանցքային դեր է խաղացել Արցախի ժողովրդի նկատմամբ հետագա զանգվածային վայրագությունները կանխելու գործում»,- նշեց Այվազյանը:
«Բարձր ենք գնահատում պայմանավորվածությունների՝ կյանքի կոչման ուղղությամբ ՌԴ ջանքերը, որոնցում խիստ արդիական է մնում ռազմագերիների վերադարձի հարցը։
Ռազմական գործողությունների դադարեցումից գրեթե կես տարի անց, Ադրբեջանը խախտելով միջազգային մարդասիրական իրավունքը, խաթարում է հակամարտության դրույթների իրականացումը և հրաժարվում վերադարձնել բոլոր ռազմագերիների և պատանդի կարգավիճակով գտնվող քաղաքացիական անձանց։ Գործընկերոջս ներկայացրի միջազգային հանրության մոտեցումները և մեր հարևան երկրին հասցեագրված կոչերը՝ կատարելու իրենց միջազգային պարտավորվածությունները», – հայտարարեց Արա Այվազյանը։
Մանրամասները՝ տեսանյութում:
