08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
Մեծ յոթնյակի ԱԳ նախարարների հանդիպումների գլխավոր թեմաները․ VOA
Քաղաքականություն
05.05.2021 | 23:10
Արտգործնախարարների մակարդակով Լոնդոնում անցկացվող հանդիպումների գլխավոր թեմաներից մեկը Ռուսաստանի հետ հարաբերություններն են: Երկիր, որին Յոթնյակից դուրս էին մղել Ղրիմը բռնակցելուց հետո: «Իսկ այժմ, եթե Ռուսաստանը ագրեսիվ քաղաքականություն վարի Ուկրաինայի սահմանի մոտ, մենք կտանք պատասխան»,- ասել է ԱՄՆ-ի պետքարտուղար Էնթոնի Բլինքենը, հաղորդում է Ամերիկայի ձայնը։
Դեմ առ դեմ հանդիպումներ Մեծ յոթնյակը չէր անցկացրել անցած երկու տարիների ընթացքում: Այսօր այն անցնում է սոցիալական հեռավորության պայմաններում:
Մյուս օրակարգային ամենագլխավոր հարցերից մեկը Չինաստանն է: «Մեր նպատակը Չինաստանին զսպելը չէ: Մենք պարզապես ուզում ենք պահպանել միջազգային օրենքների վրա հենված կարգ ու կանոնը»,- ասել է Բլինքենը:
Ասենք, որ Լոնդոն են հրավիրվել նաեւ Ավստրալիայի, Հնդկաստանի, Հարավաֆրիկյան Հանրապետության ու Հարավային Կորեայի արտգործնախարարները, որպես նշան այն բանի, որ Մեծ յոթնյակը մեծ ուշադրություն է դարձնում նաեւ հնդխաղաղօվկիանոսյան տարածաշրջանի վրա:
Մեծ յոթնյակի նախարարները քննարկում են նաեւ Մյանմարում ռազմական հեղաշրջման նկատմամբ համակարգված պատասխան տալու խնդիրը: Քննարկումներ են անցկացվում Աֆղանստանից ՆԱՏՕ-ի, այդ թվում ամերիկյան ուժերի դուրսբերման հարցի վերաբերյալ:
Կորոնավիրուսի համավարակի դեմ համակարգված պայքարի հարցը կդառնա ամենակարեւոր հարցերից մեկը, երբ Մեծ Բրիտանիան հունիս ամսին ընդունի Մեծ յոթնյակի անդամ երկրների առաջնորդներին:
