25.08.2026 | 17:47
Հայ մրցավարը կսպասարկի ֆուտզալի Չեմպիոնների լիգայի խաղեր
G7-ում Հնդկաստանի պատվիրակության մի քանի անդամների մոտ կորոնավիրուս է հայտնաբերվել
Քաղաքականություն
05.05.2021 | 21:56
«Մեծ յոթնյակի» ԱԳ նախարարները Լոնդոնում անցկացվող հանդիպման ժամանակ քննարկել են Ռուսաստանին ու Չինաստանին համատեղ հակազդելու, Բելառուսում ու Ուկրաինայում իրավիճակն ու կորոնավիրուսային համաճարակի դեմ պայքարի վերաբերող հարցեր։ Մինչ այդ Հնդկաստանի պատվիրակության մի քանի անդամների մոտ հայտնաբերվել է կորոնավիրուս, գրում է BBC-ի ռուսական ծառայությունը։
Նշենք, որ ընթացիկ հանդիպման ընդհանուր թեման Պեկինի, Մոսկվայի և Թեհրանի հետ հարաբերություններն են, որոնք, արևմտյան երկրների կարծիքով, սպառնալիք են միջազգային քաղաքականության համակարգում հաստատված կանոնների համար: Երկու տարվա ընթացքում առաջին անգամ G7-ի նախարարները հանդիպել են դեմ առ դեմ:
Հանդիպման ընթացքում Բրիտանիան պատրաստվում էր առաջարկել համատեղ պլան մշակել, մասնավորապես, Ռուսաստանից բխող ապատեղեկատվությանը հակազդելու համար և խոսել այն ռուսական ցանցերի մասին, որոնք փորձում են ազդել արևմտյան թերթերի վրա:
Ռուսաստանի և Չինաստանի վերաբերյալ քննարկումը տեղի է ունեցել երեքշաբթի, սակայն խումբը բոլոր պաշտոնական հայտարարությունները կանի եռօրյա հանդիպումից հետո: Սակայն, դատելով առկա հայտարարություններից, G7-ի երկրները պատրաստ են համատեղ պատասխանել Ռուսաստանի և Չինաստանի գործողություններին:
Տաթև Ֆռանգյան
