30.06.2026 | 09:48
Էնցո Մարեսկան` «Մանչեսթեր Սիթիի» գլխավոր մարզիչ
Ուշադիր նայեք ինձ․ էդ ի՞նչ նկատի ունեք․ Փաշինյանը՝ Եղիազարյանին. ՏԵՍԱՆՅՈՒԹ
Քաղաքականություն
05.05.2021 | 18:32
«Լուսավոր Հայաստան» խմբակցության պատգամավոր Արմեն Եղիազարյանն ԱԺ-կառավարություն հարցուպատասխանի ժամանակ մեջբերեց ՀՀ հաշվեքննիչ պալատի զեկույցի տվյալները 2019թ-ին պետական կառույցներում գրանցված չարաշահումների մասին։
Եղիազարյանը, դիմելով վարչապետի պաշտոնակատար Նիկոլ Փաշինյանին, նշեց, որ զեկույցն իր իշխանության օրոք գրանցված դեպքերի մասին է։
Փաշինյանն արձագանքեց․ «Ողջունում եմ պալատի բոլոր բացահայտումները։ Իրավապահները պետք է քննեն բոլոր դեպքերը և մեղավորներին պատասխանատվության ենթարկեն։ Ցավում եմ, որ իրավապահները երբեմն անտեղի ներողամտություն են ցուցաբերում որոշ իրավախախտների հանդեպ։ Չարաշահումների բոլոր դեպքերը պետք է պատշաճ քննվեն»։
Արմեն Եղիազարյանը պատասխանեց, որ կոռուպցիոն սխեմաներից մեկը Փաշինյանի թիմակիցն է ղեկավարել, և այստեղ նախկինների խնդիր չկա։
Փաշինյանն արձագանքեց․ «Պարո՛ն Եղիազարյան, խնդրում եմ ուշադի՛ր նայեք ինձ։ Իմ նշանակած երկու պաշտոնյաներ արդեն 1,5 տարի բանտում են՝ ատկատ անելու, կաշառք վերցնելու մեղադրանքով։ Մեր կուսակցության անդամ, իմ քաղաքական մերձավոր մարդկանց մասին է խոսքը։ Ձեր հարցով այդ ի՞նչ նկատի ունեք»։
Մանրամասները՝ տեսանյութում:
