18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Թող լսեն, հենց էրեխեքին է պետք․ Գևորգ Պետրոսյանին չկաշկանդեց ԱԺ-ում երեխաների ներկայությունը. ՏԵՍԱՆՅՈՒԹ
Քաղաքականություն
04.05.2021 | 10:35
Քաղաքացին ունի ճիշտ կառավարվելու իրավունք, և դրա կարևոր բաղադրիչը իշխանությունից ճիշտ տեղեկատվություն ստանալն է: ԱԺ ամբիոնից այս մասին հայտարարեց «ՀՀ քրեական օրենսգրքում լրացում կատարելու մասին» օրենքի նախագծի հեղինակ, ԱԺ անկախ պատգամավոր Գևորգ Պետրոսյանը:
Նա ընդգծեց, որ այն պետական պաշտոնյաները, ովքեր ապատեղեկատվություն են տարածում, պետք է պատժվեն:
«Էսօր բարձրաստիճան պաշտոնյաները, ամոթը գրպանած, հելնում են և ժողովրդին սխալ տեղեկատվություն են մատուցում: Քրեական օրենսգրքում նման պատժատեսակ նախատեսելը նպատակ ունի կանխել այդպիսի ստախոսների գործունեությունը: Ես հիմա անուն պետք ա տամ, բայց, խնդրում եմ չընկալեք որպես անձի համար կարվող նախագիծ: Խոսքը ՊՆ խոսնակ Արծրուն Հովհաննիսյանի մասին է, ով 43 օր խաբեց, ասեց՝ հաղթում ենք, հետո հանկարծ վերջին օրով պարզվեց պարտվում ենք, ի՞նչ հաղթանակ: Նման ապատեղեկատվություն մատուցողները պիտի պատժվեն»,- հայտարարեց Պետրոսյանը:
Գևորգ Պետրոսյանը քննարկման ժամանակ կոշտ բառերով հանդես եկավ: «Ասում են՝ պաշտոնատար անձը հայտնի չի, պարզ չի, թե ինչ է նշանակում իրավասու պետական պաշտոնյա: Արա, կարո՞ղ ա ճաշարանի վարիչը նման տեղեկատվություն հայտնի»,-հայտարարեց Գևորգ Պետրոսյանը:
Իմքայլական Բաբկեն Թունյանը Պետրոսյանին հիշեցրեց ԱԺ բաց դռների շրջանակներում նիստին հետևող աշակերտների մասին: Պետրոսյանին դա չկաշկանդեց, նա նշեց, որ հենց երեխաներն այդ ամենը պետք է լսեն:
Այնուհետև ԱԺ նախագահ Արարատ Միրզոյանը Գևորգ Պետրոսյանին զգուշացրեց, որ իր ելույթի ժամանակը սպառվել է, սակայն Պետրոսյանը շարունակեց ելույթ ունենալ: «Ինչ-որ ֆսսոց եկավ հետևիցս» ,- թեքվելով ԱԺ նախագահ Արարատ Միրզոյանի ուղղությամբ` ասաց Պետրոսյանը և հավելեց. «Այդպես էլ այս ԱԺ-ն չհաղթահարեց կառավարության կցորդը լինելու և մնալու պիտակը: Իսկ դիմակի տակ քմծիծաղ տվողները մի քանի օրից էդ քմծիծաղը թող փորձեն տալ»:
Մանրամասները՝ տեսանյութում:
