09.09.2026 | 21:35
Մեկնարկել է Փաշինյանի և Մակրոնի հանդիպումը
Արխիվից կարող են հանել, որ 2001 կամ 2002 թվականին ես բարևել եմ Սերժ Սարգսյանին. Նիկոլ Փաշինյան
Քաղաքականություն
15.02.2018 | 19:35
Երևանի քաղաքապետարանում տեղի ունեցած միջադեպի առնչությամբ Երևանի ավագանու «Ելք» խմբակցությունն իր դիրքորոշումը հայտնել է: Ազգային ժողովում պատասխանելով Factor.am-ի հարցին՝ ասաց ԱԺ «Ելք» խմբակցության ղեկավար Նիկոլ Փաշինյանը:
Մեր դիտարկմանը, որ խմբակցության ղեկավար Դավիթ Խաժակյանը տեղի ունեցածը որակել է շոու, Նիկոլ Փաշինյանը պարզաբանեց. «Ես այդ հայտարարությունը չեմ լսել, սովորություն չունեմ մեկնաբանել մի բան, որը չեմ լսել: Երևանի ավագանու «Ելք» խմբակցությունն իր դիրքորոշումն արտահայտել է հայտարարությամբ եւ դատապարտել է ՀՀԿ-ի պահվածքը»:
Լրագրողները ընդդիմադիր գործչին հիշեցրեցին արխիվից հանված լուսանկարներ, որոնցում Դավիթ Խաժակյանը Սերժ Սարգսյանից պարգև է ստացել, Նիկոլ Փաշինյանն արձագանքեց. «Դե հիմա արխիվից կարող են հանել, որ մեր խմբակցության էլի մարդիկ առնչություն են ունեցել, կամ արխիվից կարող են հանել, որ 2002 կամ 2001 թվին ես բարեւել եմ Սերժ Սարգսյանին, հետո՞ ինչ»:
Հարցին՝ հիմա՞ ինչու չի բարևում Սերժ Սարգսյանին, անգամ իր մոտ հրավիրեց պատգամավորը չգնաց, Փաշինյանը նախ նկատեց հիմա չի հանդիպում Սարգսյանին, իսկ ինչ վերաբերում է իր մոտ կանչելուն՝ արձագանքեց. «Ինքը չի կարող ինձ կանչել»:
Մանրամասները՝ տեսանյութում:
