30.06.2026 | 14:28
Մոսկովյան պուրակը կբարեկարգվի. նվեր Երևանին` IDBank-ի 35-ամյակի առթիվ
Սյունիքի մարզում հիմնվել է ռուսական 102-րդ ռազմական բազայի 2 նոր հենակետ. Փաշինյան. ՏԵՍԱՆՅՈՒԹ
Քաղաքականություն
03.05.2021 | 18:01
Ինչպես պատերազմից առաջ, այնպես էլ պատերազմից հետո ՀՀ անվտանգության համակարգը փոփոխություն չի կրել, այն հիմնված է եղել հայ-ռուսական համատեղ զորախումբ և Հավաքական անվտանգության կովկասյան տարածաշրջանում հակաօդային համատեղ համակարգ ունենալու վրա: Այս մասին ԱԺ հատուկ նիստում նշեց վարչապետի թեկնածու Նիկոլ Փաշինյանը:
«Ովքեր փորձում են ի ցույց դնել, որ մի շարք կայացրած որոշումներ անվտանգության սպառնալիքներ են ստեղծել, օրինակ՝ Սյունիքի մարզի համար, նրանք ուղղակի իրավիճակը խորը չեն գնահատում: Բոլոր սահմանների պաշտպանությունը հիմա և պատերազմից առաջ իրականացվում է հայ-ռուսական զորախմբի ջանքերով: Բայց դա չի նշանակում, որ ամենուր պետք է դիրքեր դրված լինեն:
Սյունիքի մարզում ռուսական 102-րդ ռազմական բազայի երկու նոր հենակետ է հիմնվել, և դա լրացուցիչ երաշխիք է Սյունիքի մարզի և, ընդհանրապես, ՀՀ անվտանգությունն ապահովելու համար: «Անվտանգային այն համակարգը, որը մենք ունեցել ենք և ունենք, տարածվել է ՀՀ սահմանների վրա, իսկ սահմանների նկարագրությունը տվել է ՀՀ ԱԺ-ն՝ 2010-ին ընդունված «Վարչատարածքային բաժանման մասին» օրենքով»,- նշեց Փաշինյանը:
Մանրամասները՝ տեսանյութում:
