23.04.2026 | 17:09
Գործադիրն առաջարկում է 16 տարին լրացած անձանց համար նույնականացման քարտ ունենալը դարձնել պարտադիր
Այն, որ Սերժ Սարգսյանը մասնակցում է ընտրություններին, դեռ չի նշանակում, որ մերժված չէ. Հրաչյա Հակոբյան. ՏԵՍԱՆՅՈՒԹ
Քաղաքականություն
03.05.2021 | 15:12
2018թ. խորհրդարանական ընտրությունների արդյունքում Սերժ Սարգսյանը մերժվեց: Այս մասին այսօր լրագրողների հետ զրույցում նշեց «Իմ քայլը» խմբակցության պատգամավոր Հրաչյա Հակոբյանը՝ ընդգծելով, որ 2017-ին 7 հարյուր հազար քվե ստացած քաղաքական ուժը՝ ՀՀԿ-ն, 2018-ին ստացավ ընդամենը 50-60 հազար ձայն, և դա լավագույն մերժումն էր:
Անդրադառնալով դիտարկմանը, որ երեք տարի անց Սերժ Սարգսյանը հարցազրույցներ է տալիս և քննադատում է իշխանությանը, ինչպես նաև մասնակցելու է արտահերթ խորհրդարանական ընտրություններին, Հակոբյանը նշեց. «Դա դեռ չի նշանակում, որ նա մերժված չէ: Նա մերժված է և շարունակում է մնալ մերժված: Որքան ուզում է, թող հարցազրույցներ տա, որքան ուզում են, թող իր թիմակիցները մասնակցեն ընտրություններին, միևնույն է, քաղաքացիները նրան արդեն մերժել են»:
Մանրամասները՝ տեսանյութում:
