18.02.2026 | 21:15
Ծափաթաղում սպանված Տիգրանի քույրն ու եղբայրները 4 ամիս անց վերադարձել են մոր մոտ
Փաշինյանը չընտրվեց վարչապետ․ Քաշաթաղից տեղահանվածները` կառավարության դիմաց․ Լուրեր
Քաղաքականություն
03.05.2021 | 15:02
Նիկոլ Փաշինյանը Ազգային ժողովի կողմից չի ընտրվել վարչապետ։ Խորհրդարանն այսօր հատուկ նիստ է գումարել, որի օրակարգում էր վարչապետի ընտրության հարցը։ Քաղաքական պայմանավորվածության համաձայն՝ խորհրդարանը այս և հաջորդ նիստին վարչապետ չի ընտրելու, որպեսզի լուծարվի, և անցկացվեն արտահերթ ընտրություններ։ Չնայած դրան՝ պաշտոնապես առաջադրված էր Նիկոլ Փաշինյանի թեկնածությունը, և նա խորհրդարանում պատասխանել է պատգամավորների հարցերին։
—
Անդրադառնալով ԼՂ բանակցային գործընթացին՝ Փաշինյանը հակադարձել է երրորդ նախագահ Սերժ Սարգսյանին ու նշել, որ բանակցային փաստաթղթերի գաղտնազերծումը թույլ կտա տեսնել, թե ինչ բեկում է եղել 2015-ի ավարտին՝ հօգուտ Ադրբեջանի։
Պատասխանելով առաջնագծի կահավորման մասին հարցին՝ Փաշինյանն ասել է, որ բարեբախտաբար հարց տվող պատգամավորները և ադրբեջանական կողմը չեն տեսնում, թե ինչպես է արդիականացվում հայկական զինված ուժերի առաջնագիծը։
—
Կառավարության շենքի դիմաց բողոքի ակցիա են անցկացրել Արցախի Քաշաթաղի շրջանի բնակիչները, որոնք զրկվել են իրենց տներից ու տարածքներից: Նրանցից մեկը Factor TV-ին հայտնել է, որ խոստացել են հաշվարկ անեն ու բավարարեն ժողովրդի պահանջը, բայց արդեն 2-3 ամիս է ոչ մի դրական տեղաշարժ չկա:
