17.09.2026 | 13:52
Հորս մասով փորձում է հաճոյանալ Ալիևին. Լևոն Քոչարյանը՝ Փաշինյանի մասին․ ՏԵՍԱՆՅՈՒԹ
Հերիք եղավ, բոլ եղավ, չի կարելի անվտանգության հարցերը դարձնել միջանձնային հարաբերությունը պարզելու բան. Վարդանյան. ՏԵՍԱՆՅՈՒԹ
Քաղաքականություն
03.05.2021 | 14:38
Մենք Նիկոլ Փաշինյանի հետ քննարկում էինք ԱԺ պետաիրավական հարցերի հանձնաժողովին առնչվող մի շարք օրինագծերի հետ կապված հարցեր: Այս մասին այսօր ԱԺ-ում լրագրողների հետ զրույցում ասաց «Իմ քայլը» խմբակցության պատգամավոր Վլադիրմիր Վարդանյանը՝ անդրադառնալով հարցին, թե ինչ էին իրենց հանձնաժողովում քննարկում վարչապետի պաշտոնակատար Նիկոլ Փաշինյանի հետ:
«Մենք ունենք Ընտրական օրենսգրքի նախագիծ, ունենք քրեական օրենսգրքի նախագիծ, ունենք քրեադատավարական նոր օրենսգիրք, որի վրա աշխատանքները շարունակվում են»,- ասաց պատգամավորը:
Հարցին, թե որքանով էր նորմալ, որ Նիկոլ Փաշինյանը ԱԺ-ում իր ընտրության հարցի քննարկման ժամանակ ընտրությունների մասին խոսելու փոխարեն կորոնավիրուսի դեմ պատվաստվելու անհրաժեշտությանն անդրադարձավ, Վլադիմիր Վարդանյանը պատասխանեց. «Եթե սա լիներ ընտրություններից հետո ծրագրային ելույթ, դա այլ կլիներ, բայց մենք բոլորս գիտենք, որ սա սահմանադրական ձևականություն է, որն անհրաժեշտ է, որ արտահերթ ընտրությունները դառնան իրականություն»:
Անդրադառնալով սահմանների անվտանգության վերաբերյալ դիտարկմանը՝ Վարդանյանը նշեց. «Հերիք եղավ, բոլ եղավ, չի կարելի ազգային անվտանգության հարցերը դարձնել փոքր, միջանձնային հարաբերությունները պարզելու բան: Երկրի անվտանգության հետ կապված պետք է գործանել, ոչ թե մանիպուլյատվ դատողություններ»:
Մանրամասները՝ տեսանյութում:
