25.08.2026 | 21:53
Սեպտեմբերի 1-ից դպրոցների հարակից տարածքներում ոստիկանությունը կանցկացնի ուժեղացված ծառայություն
Սահմանների անվտանգության խնդիր ունենք․ ձևավորված առաջնագծում կես տարում ոչինչ չի փոխվել․ Թ․ Թովմասյան. ՏԵՍԱՆՅՈՒԹ
Քաղաքականություն
03.05.2021 | 13:30
Մեր երկրի սահմաններում անվտանգային խնդիրներ կան: ԱԺ հատուկ նիստում այս մասին իր ելույթում նշեց անկախ պատգամավոր Թագուհի Թովմասյանը:
«Փաստորեն, ստացվում է, որ ինչ-որ աշխատանքներ են արվում, որոնք մեզ համար, ինձ համար տեսանելի չեն: Արագ ձևավորել ենք առաջնագիծ, որը մինչևը հիմա նույն վիճակում է, կես տարվա ընթացքում ոչինչ չի փոխվել: Ինձ համար տարօրինակ է, որ աշխատանքներն իրականացվում են անտեսանելի»,-նշեց պատգամավորը:
Թովմասյանը նշեց՝ տեսանելի է, որ առաջնագծում դեռ վրաններ ունենք, որոշ դեպքերում՝ ցելոֆանապատ: Իսկ ադրբեջանցիները, նրա խոսքով, Տեղ համայնքի մոտ արդեն տեխնիկայով խրամատավորվում են:
«Պարոն վարչապետ, եթե Ձեզ զեկուցվել է, որ առաջանագծում ինչ-որ բաներ են արվում, կխնդրեի լրացուցիչ ստուգում իրականացնել և պարզել, թե որտեղ են իրականացվել: Այն, ինչ տեսանելի է, միայն մտահոգություն է առաջացնում», – նշեց Թովմասյանը՝ դիմելով Նիկոլ Փաշինյանին:
Մանրամասները՝ տեսանյութում:
