11.03.2026 | 12:05
ԿԸՀ նախագահ Վահագն Հովակիմյանի ասուլիսը՝ ՈՒՂԻՂ
Ինչո՞ւ ԱՄՆ-ը ճանաչեց Հայոց ցեղասպանությունը․ ըստ Փաշինյանի՝ տեղի ունեցողը կապ ունի նաև ԼՂ հարցի հետ. ՏԵՍԱՆՅՈՒԹ
Քաղաքականություն
03.05.2021 | 13:13
Կարևոր արձանագրում է, բայց, ի վերջո, պետք է հասկանանք՝ ինչ է տեղի ունեցել և ինչու ԱՄՆ նախագահը ճանաչեց հայոց ցեղասպանութունը։ Այս մասին այսօր ԱԺ հատուկ նիստում նշեց վարչապետի պաշտոնակատար Նիկոլ Փաշինյանը:
«Եթե այս փաստը տեղի ունենար 7 կամ 10 տարի առաջ, դուք առավոտից իրիկուն կլսեիք, թե ինչպես Հայաստանի ղեկավարության հմուտ քաղաքականության արդյունքում տեղի ունեցավ անհնարինը. մի բան, որի համար հայությունը պայքարում է տասնամյակներ։ Հիմա չկա տենց բան»,- նշեց Փաշինյանը:
Նա թվարկեց չորս գործոն, թե ինչո՞ւ ԱՄՆ նախագահը ճանաչեց Հայոց ցեղասպանությունը. «Երկարաժամկետ գործոնը, միանաշանակ, ԱՄՆ հայկական համայնքի ու Սփյուռքի հետևողական աշխատանքն է, միջնաժամկետ գործոնը Թուրքիայի տարածաշրջանային քաղաքակնությունն է ու այս համատեքստում դիսոնանսը, որ առաջացել է Թուրքիայի ու ԱՄՆ-ի միջև, կարճաժամկետ երկու գործոնները՝ 44-օրյա պատերազմն ու դրանում Թուրքիայի բացահայտ ու ակտիվ ներգրավվածությունը և Հայաստանի ժողովրդավարական երկիր լինելն է», – հայտարարեց Նիկոլ Փաշինյանը։
Նրա համոզմամբ՝ այս չորս գործոնն է, որ բերել է ԱՄՆ նախագահի կողմից այդ աննախադեպ ու պատմական որոշման կայացմանը։
«Կարծում եմ՝ տեղի ունեցողը կապ ունի նաև ԼՂ հարցի և նրա հետագա կարգավորման հետ։ Եթե ԱՄՆ նախագահի կողմից ճանաչման փաստին ավելացնենք այն մեկնաբանությունները, որ ՌԴ նախագահը տվեց պատերազմից հետո՝ խոսելով Ղարաբաղի հարցի ծագումնաբանության և Արցախի հայության անվտանգության մասին, եթե սրան գումարենք ԵԱՀԿ ՄԽ համանախագահների երկրորդ հայտարարությանը, կտեսնենք, որ այս բոլոր գործընաացները ունեն խորքային կապ»,- նշեց Փաշինյանը՝ հավելելով, որ չի մանրամասնի, թե այս մասով կառավարությունն ինչ կարծիք ունի։
Մանրամասները՝ տեսանյութում:
