30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Այս ամենը արվում է, որպեսզի դուք որոշեք՝ ով է հետագա 5 տարում ղեկավարելու ՀՀ-ն․ գնացե՛ք ընտրության․ Մարուքյան. ՏԵՍԱՆՅՈՒԹ
Քաղաքականություն
03.05.2021 | 11:21
Խորհրդարանի արձակման գործընթացը, ըստ էության, մեկնարկած է: Այս մասին, տեսաուղերձով դիմելով ՀՀ քաղաքացիներին, նշել է «Լուսավոր Հայաստան» խմբակցության ղեկավար Էդմոն Մարուքյանը:
Նրա խոսքով՝ ըստ պայմանավորվածության, խորհրդարանական ուժերը վարչապետի թեկնածու չեն առաջադրելու:
«Քաղաքական ճգնաժամը հաղթահարելու համար խորհրդարանական ուժերի միջև կա պայմանավորվածություն խորհրդարանն արձակելու վերաբերյալ, և այդ պայմանավորվածության մեջ է մտնում վարչապետի թեկնածուներ չառաջադրելը, այս փուլում վարչապետ չընտրելը և թողնելը, որ խորհրդարանն արձակվի:
Մեր շփումները ցույց են տալիս, որ քաղաքացիների մեջ շատ մեծ թիվ է կազմում ընտրություններին մասնակցելու ցանկություն չունեցողների տոկոսը:
Ուզում եմ տեղեկացնել, որ այս ամենն արվել է, որ դուք որոշեք, թե ինչպես պետք է ղեկավարվի Հայաստանը ապագա հինգ տարիներին: Եթե չգնաք ընտրատեղամասեր, անիմաստ են դառնում այս բոլոր պայմանավորվածությունները և այն ջանքերը, որ գործադրվել են: Շատ կարևոր է, որ այսօրվանից դուք որոշեք, որ գնալու եք ընտրության և մասնակցելու եք արտահերթ խորհրդարանական ընտրություններին»,- նշել է Մարուքյանը:
Մանրամասները՝ տեսանյութում:
