31.10.2026 | 22:35
Հայաստանի ներկայացուցիչ Ալինա Չարաևան դուրս եկավ եզրափակիչ
Ղրղզստանն ու Տաջիկստանը պայմանավորվել են լիակատար հրադադարի մասին
Քաղաքականություն
01.05.2021 | 16:45
Ղրղզստանը և Տաջիկստանը պայմանավորվել են սահմանին լիակատար հրադադարի մասին: Այս մասին գրում է ՌԻԱ Նովոստին։
Հրադադարի հաստատման մասին հայտարարել է Ղրղզստանի ազգային անվտանգության պետական կոմիտեի ղեկավար Կամչիբեկ Տաշիևը Բատկեն շրջանում իր տաջիկ գործընկեր Սաիմումին Յաթիմովի հետ բանակցություններից հետո:
«Մեր ժողովուրդները դժվար ժամանակներ են ապրում: Մենք ողբերգություն ենք ունեցել երկու երկրների համար: Մեզ համար դժվար էր իրականացնել աշխատանքը, բայց, այնուամենայնիվ, մեր պետությունների ղեկավարների հանձնարարությամբ, մենք որոշեցինք ամբողջությամբ դադարեցնել կրակը և բոլոր ռազմական կազմավորումները մշտական տեղակայման վայրեր հետ կանչել»,- նրա խոսքերն է մեջբերում Ղրղզստանի Kabar պետական գործակալությունը:
Կամչիբեկ Տաշիևի խոսքով՝ բանակցություններից հետո «երկու երկրների շահերից ելնելով»՝ ընդունվել է չորս կետերից բաղկացած արձանագրություն:
«Այսուհետ մեր հարգարժան հարևանների ջանքերով և մեր ջանքերով՝ խաղաղություն և հանգստություն կգա մեր երկրներում, հատկապես սահմանամերձ շրջաններում»,- ասել է հատուկ ծառայությունների ղեկավարը:
Հիշեցնենք՝ երկու երկրների միջև լարվածությունը սկսվել էր ապրիլի 29-ին, երբ ըստ Տաջիկստանի ազգային անվտանգության պետական կոմիտեի հայտարարության՝ «Գոլովնոյ» ջրբաժան կետի հատվածում, որը գտնվում է Իսֆարա գետի հատվածում, Ղրղզստանի Հանրապետության զինծառայողները կրակ էին բացել Տաջիկստանի Հանրապետության սահմանապահ զորքերի զինծառայողների ուղղությամբ։
