15.11.2026 | 12:51
Իսրայելի հետախուզությունը ԿՀՎ-ին զգուշացրել է, որ Իրանը պատրաստվում էր անօդաչու թռչող սարքերով մահափորձ իրականացնել Թրամփի դեմ
Հայաստանում շուրջ 3500 պատվաստում է իրականացվել․ ԱՆ
30.04.2021 | 14:40
Ապրիլի 29-ի դրությամբ՝ Հայաստանում COVID-19-ի դեմ 3.483 պատվաստում է իրականացվել։ Այս մասին Factor.am-ին հայտնեցին Առողջապահության նախարարությունից։
Այս ցուցանիշում ընդգրկված են ինչպես բրիտանաշվեդական AstraZeneca-ով, այնպես էլ ռուսական Sputnik V-ով կատարված պատվաստումները։
Հավելենք, որ այս ցուցանիշով Հայաստանը տարածաշրջանում վերջինն է։ Հարևան Վրաստանում մինչ օրս 41 հազարից ավելի պատվաստում է կատարվել, Թուրքիայում՝ 22․1 միլիոն, Ադրբեջանում՝ 1․4 միլիոն, Իրանում՝ 938 հազարից ավելի, Ռուսաստանում՝ 19 միլիոնից ավելի։
Աշխարհում ամենամեծ թվով պատվաստումները մինչ օրս ԱՄՆ-ում են կատարվել՝ 234 միլիոնից ավելի։
Հիշեցնենք՝ ապրիլի 13-ից մայրաքաղաք Երևանում, ապրիլի 14-ից՝ մարզերում մեկնարկել են պատվաստումները։ Ըստ Առողջապահության նախարարության նոր որոշման՝ այսուհետ COVID-ի դեմ պատվաստման համար դիմել կարող են դիմել 18 տարեկանից բարձր բոլոր քաղաքացիները։
Նելլի Մելքոնյան
