26.03.2026 | 13:29
«Ռեալը» մտադիր չէ պայմանագիր կնքել Ռոնալդուի որդու հետ
«Զինծառայողների ապահովագրության» հիմնադրամը հետևողական է նվիրաբերված յուրաքանչյուր լումայի նկատմամբ. ՏԵՍԱՆՅՈՒԹ
Հասարակություն
29.04.2021 | 15:33
Գիտակցելով զինվորի կողմից վճարվող գինը հայրենիքի խաղաղության և սերունդների անվտանգ ապագայի համար՝ 2017թ. «Զինծառայողների ապահովագրության» հիմնադրամը ստեղծվել է հայրենիքի սահմանները պաշտպանելիս զոհված, անհայտ կորած, հաշմանդամություն ձեռք բերած մարտիկների ու նրանց ընտանիքների սոցիալական բարօրության, կայուն և հավասար ապահովագրական հատուցումներ տրամադրելու նպատակով:
Հիմնադրամի տնօրենի պաշտոնակատար Վարուժան Ավետիքյանի խոսքով՝ չափազանց կարևոր է հատուցումների համակարգված և երկարաժամկետ տրամադրումը: «Հիմնադրամը մեկ անգամ խոշոր հատուցում է կատարում՝ 10 մլն դրամի չափով, այնուհետև ամեն ամիս 200-300 հազար դրամի չափով»:
Վարուժան Ավետիքյանը հայրենիքում և Սփյուռքում ապրող հայրենակիցներին կոչ արեց, որ եթե ցանկանում են օգնել զոհված, անհետ կորած կամ հաշմանդամ դարձած զինծառայողներին կամ նրանց ընտանիքներին, ապա դա անեն միայն հիմնադրամի միջոցով:
Համաձայն գործող օրենսդրության՝ հիմնադրամի շահառու կարող են դառնալ զոհված զինծառայողների ընտանիքի անդամները՝ ծնողները, կինը և երեխաները, ինչպես նաև առաջին կամ երկրորդ խմբի հաշմանդամություն ունեցող զինծառայողները:
Մանրամասները՝ տեսանյութում:
