31.10.2026 | 13:56
Հայաստանից՝ Էկվադոր. COP18-ը հյուրընկալող երկիրն ընտրված է
Իրենց անկախ հռչակած պատգամավորներին խորհուրդ կտամ, որ վերհիշեն՝ ինչպես են հայտնվել ԱԺ-ում. Էմմա Պալյան. ՏԵՍԱՆՅՈՒԹ
Քաղաքականություն
28.04.2021 | 18:02
Ներքաղաքական դաշտում առկա լարվածությունը շարունակվում է. այսօր ԱԺ արտահերթ նիստում պատգամավորները շարունակում էին փոխադարձ մեղադրանքներ հնչեցնել:
«Պետք չէ մեր հասարակությանը բաժանել սյունեցիների, շիրակցիների, երևանցիների… Հայաստանը մեկն է, և Սյունիքում եղած խնդիրը ՀՀ խնդիրն է. բաժանումներն ու տարանջատումներն արհեստական են և ուղղված են լարվածությունն ավելի սրելուն»,-Factor.am-ի հետ զրույցում այս մասին նշեց «Իմ քայլը» խմբակցության պատգամավոր Էմմա Պալյանը՝ անդրադառնալով անկախ պատգամավորների հայտարարություններին՝ վարչապետի Սյունիք կատարած այցի ժամանակ տեղի ունեցած միջադեպերի վերաբերյալ:
Պալյանի խոսքով՝ վարչապետի, նրա աջակիցների նկատմամբ նման վերաբերմունք ցուցաբերող անձինք պետք է օրենքով սահմանված կարգով ենթարկվեն ամենախիստ պատժի:
«Վստահ եմ՝ ընտրություններից հետո լարվածությունն ամբողջությամբ կհարթվի. հունիսի 20-ին կայանալիք ընտրությունները վերջ կդնեն քաղաքական փոթորկումներին»,- նշեց պատգամավորը:
«Իրենց անկախ հռչակած պատգամավորներին խորհուրդ կտամ, որ վերհիշեն՝ ինչպես են հայտնվել ԱԺ-ում»,- նշեց «Իմ քայլի» պատգամավորը՝ հավելելով, որ խմբակցությունը չի դավաճանել իր որդեգրած սկզբունքներին:
Մանրամասները՝ տեսանյութում:
