20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Մենք հաղթելու ենք, բայց որևէ ուժ 50+1 տոկոս չի ստանա, լինելու է բալանսավորված իշխանություն. Մելքումյան. ՏԵՍԱՆՅՈՒԹ
Քաղաքականություն
27.04.2021 | 13:07
Մենք պետք է գնանք հունիսի 20-ի արտահերթ ընտրություններին: «Բարգավաճ Հայաստանում» ընտրացուցակի հարց դեռ չի քննարկվում: Դեռ վաղ է: Այս մասին այսօր ԱԺ-ում լրագրողների հետ զրույցում նշեց ԲՀԿ խմբակցության պատգամավոր Միքայել Մելքումյանը՝ հավելելով, որ ԲՀԿ-ն ընտրությունների գնալու է ոչ թե դաշինքով, այլ միայնակ:
«Ես հավատում եմ, որ մենք անպայման հաղթելու ենք: Հաղթելու հանգամանքը չի ենթադրում, որ որևէ քաղաքական ուժ 50 + 1 տոկոս ստանալու է: Լինելու է բալանսավորված իշխանություն, բայց Գագիկ Ծառուկյանը լինելու է պետության ղեկավար: Երկրում օբյեկտիվ նախադրյալներ են ստեղծվել, որ այնպիսի քաղաքական ուժի լիդեր պետք է դառնա ղեկավար, որը երբևիցե իշխանության չի եղել: Հասունացել է այն պահը, որ մեր թիմը՝ իր լիդերով ու ծրագրերով պետք է հաղթանակ տանենք»:
Անդրադառնալով հարցին, թե կոալիցիա կազմելու դեպքում ևս պնդելո՞ւ են, որ Գագիկ Ծառուկյանը լինի երկրի ղեկավար՝ Մելուքյանը նշեց, որ եթե հաղթեն, իհարկե, պնդելու են. «Բա հաղթելու դեպքում ո՞վ լինի»:
Պատգամավորը նաև նշեց, որ կլինեն քաղաքական համախմբումներ, բայց հիմա իրենք չեն խոսում, որովհետև չգիտեն, թե ովքեր ոնց են գալու:
Մանրամասները՝ տեսանյութում:
