07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Իրանում ազատազրկման է դատապարտվել Զագարի-Ռաթքլիֆը՝ բողոքի ցույցի մասնակցելու և լրագրողի հետ խոսելու համար
Քաղաքականություն
26.04.2021 | 19:48
Իրանի դատարանը մեկ տարվա ազատազրկման է դատապարտել Իրանի ու Բրիտանիայի քաղաքացիություն ունեցող Նազանին Զագարի-Ռաթքլիֆին ու մեկ տարով արգելել է, որպեսզի նա լքի երկիրը։ Այս մասին հայտնել է վերջինիս փաստաբանը, գրում է The Gaurdian-ը։
Նրան մեղադրանք է առաջադրվել 2009 թվականին Իրանի դեսպանատան մոտ ցույցին մասնակցելու և BBC-ի իրանական ծառայության լրագրողի հետ խոսելու մեջ: Փաստաբան Հոջաթ Քերմանին հայտնել է, որ վերաքննիչ բողոք է ներկայացվել այն հիմքով, որ մեղադրանքները ժամանակին չեն ներկայացվել:
Զագարի-Ռաթքլիֆն արդեն հինգ տարի անցկացրել է բանտում, ներառյալ երկար ամիսներ մեկուսարանում՝ լրտեսության առանձին մեղադրանքներով: Նա առաջին անգամ ձերբակալվել է 2016-ի ապրիլին այն բանից հետո, երբ ծնողներին տեսնելու համար այցելել է Թեհրան դստեր՝ Գաբրիելայի հետ, որն այդ ժամանակ երկու տարեկան է եղել։
Տաթև Ֆռանգյան
