30.06.2026 | 17:35
ՍԴ-ն փակ նիստից հետո աշխատանքը շարունակում է բաց ռեժիմով․ ՈՒՂԻՂ
Դասընթացներ BBC-ից՝ ՀՀ բուհերի ժուռնալիստիկայի ֆակուլտետների ուսանողների համար
Հասարակություն
26.04.2021 | 13:13
Միջազգային ամենահեղինակավոր լրատվամիջոցներից մեկը՝ BBC-ն, բուհերի Ժուռնալիստիկայի ֆակուլտետների երրորդ և չորրորդ կուրսի ուսանողներին ընձեռում է եզակի հնարավորություն՝ մասնակցել նորարարական սթորիթելինգի և մուլտիմեդիայի դասընթացների։
Սթորիթելինգի դասընթացը կներառի լսարանին պատմություններ ներկայացնելու և տվյալների թվային վիզուալիզացիայի հմտությունները, իսկ մուլտիմեդիայի դասընթացը կենտրոնացված կլինի մուլտիմեդիոն պատմությունների պլանավորման և դրանք արտադրելու կարողությունների վրա։ Դասընթացներում անդրադարձ կլինի մուլտիմեդիոն լրատվական միջավայրի ամենահրատապ նորություններին՝ մուլտիմեդիայի «լրատվական սենյակում» սոցիալական ցանցերի կիրառմանը, խաչաձև առաջխաղացմանն ու թիրախային լսարանի սպասարկմանը: Դասընթացները կլինեն տեսական գիտելիքների և գործնական աշխատանքի համադրությամբ և կանցկացվեն անգլերեն լեզվով՝ հայերեն համաժամանակյա թարգմանությամբ:
Չորս վեբինարից բաղկացած դասընթացներն անցկացվելու են 2021թ-ի մայիսի 10-ից մինչև մայիսի 30-ը։ Դասընթացները վարելու են BBC-ի դասընթացավարները՝ օնլայն ֆորմատով՝ մասնակիցների անմիջական գործնական ներգրավմամբ։
Դասընթացն ավարտած վեց ուսանող հնարավորություն կունենա անցնելու երեքամսյա փորձաշրջան Factor TV-ում։
Ուսանողական դասընթացներն ու փորձաշրջանը մաս են կազմում ԵՄ կողմից ֆինանսավորվող «Եվրոպական Մեդիա ունակությունները Հայաստանում․ կառուցելով կայուն և մասնագիտացված մեդիա» ծրագրի։
Դասընթացներին մասնակցելու համար խնդրում ենք լրացնել օնլայն հայտադիմումը հետևյալ հղումով՝ առավելագույնը 300 բառով բացատրելով, թե ինչու եք ցանկանում մասնակցել դասընթացներին։
Դասընթացներին դիմելու վերջնաժամկետն այսօր է:
