17.05.2026 | 10:50
Վթարային ջրանջատում Լոռու և Կոտայքի մարզերում
Մենք պարտվել ենք, բայց Ադրբեջանը չի հաղթել․ 3 տերությունների զինված ուժեր կան Արցախում․ Վարդան Ոսկանյան. ՏԵՍԱՆՅՈՒԹ
Քաղաքականություն
23.04.2021 | 12:53
Հետպատերազմյան շրջանում իրանական կողմի ամենակարևոր հայտարարությունը Հայաստանի տարածքային ամբողջականության ճանաչումը որպես Իրանի համար կարմիր գիծ սահմանելն էր: Բայց կան իրանցի պաշտոնյաներ, որոնց վարքը, մեղմ ասած, անընկալելի է, նրանք շնորհավորում են Ադրբեջան հորջորջվող արհեստածին կազմավորմանը՝ հաղթանակի կապակցությամբ, բայց այդ հաղթանակը գոյություն չունի: Այս մասին լրագրողների հետ զրույցում ասաց իրանագետ Վարդան Ոսկանյանը:
«Մենք պարտություն ենք կրել, բայց Ադրբեջանը չի հաղթել: Հենց հիմա իրենց հռչակած սուվերեն տարածքում, որի սուվերենությունը մենք չենք ընդունում Արցախի մասով, առկա են 3 տերությունների զինված ուժեր՝ առկա են ռուսական զորքեր, թուրքական զորախումբ և հայկական ուժեր: Որևէ պետություն, որը հաղթում է պատերազմում, իր տարածքում չի կարող հանդուրժել օտարերկրյա զինված ուժերի ներկայություն: Այնտեղ կան նաև ահաբեկիչներ, և նրանք գլխացավանք են դառնալու Իլհամ Ալիևի համար»,- նշեց Ոսկանյանը:
Մանրամասները՝ տեսանյութում:
