18.12.2025 | 23:24
ՀՀ տարածքում ավտոճանապարհները հիմնականում անցանելի են
Ֆրանսիան հաղթահարել է COVID-19 համաճարակի երրորդ ալիքը
Քաղաքականություն
23.04.2021 | 14:41
Ֆրանսիան հաղթահարել է COVID-19 համաճարակի երրորդ ալիքը և պատրաստվում է հաջորդ շաբաթ թուլացնել կարանտինը: Այս մասին թվիթերի իր միկրոբլոգում հայտարարել է Ֆրանսիայի վարչապետ Ժան Կաստեքսը։
«Ինչպես երևում է, երրորդ ալիքի պիկն արդեն հետևում է և համաճարակաբանական ճնշումը նվազել է։ Սակայն մենք պետք է զգոն լինենք»,- հայտարարել է Ֆրանսիայի վարչապետը։
Նա նշել է, որ գլխավոր մարտահրավերներից է մնում բրիտանական շտամին դիմագրավելը, որը ավելի վարակիչ է ու ավելի բարդ է հաղթահարման համար։
Կաստեքսը հայտարարել է, որ մայիսի 3-ից երկրում կչեղարկեն քաղաքացիների տեղաշարժի հետ կապված որոշ սահմանափակումներ։
Վարչապետը հայտարարել է, որ մինչ օրս Ֆրանսիայում շուրջ 14 միլիոն մարդ արդեն ստացել է COVID-19-ի դեմ պատվաստանյութի առաջին չափաբաժինը, որը կազմում է չափահաս բնակչության մեկ քառորդը:
Տաթև Ֆռանգյան
