17.09.2026 | 13:47
ԱԺ-ն ՏԿ և ՇՄ պահպանության հարցերի հանձնաժողովի նախագահ է ընտրում. ՈւՂԻՂ
Հայոց ցեղասպանությունը Բայդենի կողմից ճանաչելու հնարավորության շուրջ սենատոր Էդվարդ Մարքիի ուղերձը
Քաղաքականություն
23.04.2021 | 12:12
ԱՄՆ-ի Սենատի արտաքին հարաբերությունների հանձնաժողովի անդամ, սենատոր Էդվարդ Մարքին հանդես է եկել հայտարարությամբ, երբ հայտնի է դարձել, որ Բայդենի վարչակազմը պատրաստվում է պաշտոնապես ճանաչել հայերի դեմ մեկ դար առաջ իրագործված ոճրագործությունը որպես ցեղասպանություն. գրում է VOA-ն:
«Արդեն վաղուց ժամանակն է, որ Միացյալ Նահանգները պաշտոնապես ճանաչի հայ ժողովրդի դեմ կատարված հանցագործությունները որպես ցեղասպանություն», – գրել է սենատոր Մարքին: «Ես ողջունում եմ Բայդենի վարչակազմին այն քայլի համար, որի մասին շատերն են խոստացել, բայց ոչ մեկը չի կատարել տրված խոստումը: 20-րդ դարի առաջին ցեղասպանության 106-րդ տարելիցին մոտենալիս, մենք ոչ միայն հիշում ենք 1.5 միլիոն հայերին, ովքեր կորցրեցին իրենց կյանքը, այլեւ պատմության մեջ նոր դարաշրջան ենք սկսում, երբ ԱՄՆ-ը պաշտոնապես ճանաչում է նրանց նկատմամբ իրագործված ոճրագործությունները:
«Ես և իմ գործընկերներից շատերը տարիներ շարունակ կոչ ենք անում Միացյալ Նահանգներին ճանաչել այն և հաստատապես դիրքավորել մեզ պատմության արդար կողմում: «Այլևս երբեք» արտահայտությանը համապատասխանելու ձգտման միակ միջոցը անցյալը ազնվորեն և բացահայտ կերպով ընդունելն է: Բայդենի վարչակազմը իրավացիորեն մարդու իրավունքները դրել է ԱՄՆ-ի արտաքին քաղաքականության կենտրոնում, և այս քայլը կարևոր ուղերձ կհանդիսանա հղված ամբողջ աշխարհին, նրանց, որոնք կարծում են, թե կարող են առանց պատասխանատվություն կրելու կատարել հանցագործություններ: Ես շնորհակալություն եմ հայտնում ամերիկահայ համայնքին `ճանաչման համար տասնամյակներ շարունակ մղած պայքարի համար, և ես կշարունակեմ նրանց կողքին լինել, քանի որ ձգտում ենք բուժել անցյալի վերքերը: Միասին մենք կարող ենք հաղորդել դրական լիցք, դնել ապագայի նկատմամբ հույսի հիմքեր մի երկրի` Հայաստանի համար, որին հարգում և պատվում են նրա դաշնակիցներն ու բարեկամները», ասված է սենատոր Մարքիի ուղերձում:
2021 թ. մարտի 19-ին սենատոր Մարքին սենատոր Բոբ Մենենդեսի եւ 35 այլ սենատորների հետ միասին ստորրագրել էին մի նամակ, որով կոչ է արվում նախագահ Բայդենին դառնալ ԱՄՆ-ի առաջին նախագահը, որը պաշտոնապես ճանաչում է Հայոց ցեղասպանությունը:
