Սյունիքի հարցում էլ հանկարծ չարթնանանք ու հետմահու պարզենք, որ փաստաթուղթ են ստորագրել․ Նինա Կարապետյանց․ ՏԵՍԱՆՅՈՒԹ

Լուրեր

22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
Բոլորը

Ադրբեջանից հայ գերիների վերադարձի, Սյունիքի խնդիրների մասին Factor TV-ի եթերում զրուցել ենք իրավապաշտպան Նինա Կարապետյանցի հետ

-Պատերազմի ժամանակ միջազգային մեծ ճնշում կար այն դադարեցնելու համար, և այդ ճնշումը հիմնականում Ադրբեջանի դեմ էր։ Հիմա տեսնում ենք նույնպիսի ճնշում գերիների հարցով, բայց Ադրբեջանը շարունակում է իր քաղաքականությունը։ Սպառվե՞լ են հայկական կողմի հնարավորությունները։

-Երբե՛ք։ Հայկական կողմն ունի շատ մեծ հնարավորություններ, և մենք բոլորս պիտի լծված լինենք։ Գերիների հարցն այնպիսի հարց է, որ չկա ընդդիմություն-իշխանություն, չկան հներ-նորեր․․․ չկան այդպիսի կատեգորիաներ։ Ես ունեմ մեծ տարաձայնություններ գործող իշխանությունների հետ տարբեր հարցերում, բայց մեր կազմակերպությունը լռելյայն, գլուխը կախ բոլոր հարցերում, որտեղ հնարավոր է աջակցել իշխանություններին գերիների վերադարձի հարցում, զբաղվում ենք։

Գերիների հարցը բաց թողնելը կլինի որպես օրինակ․ հաջորդ դիկտատորական երկրներից որևէ մեկը, եթե որոշի մի տեղ պատերազմ հայտարարել ու գերիներ վերցնել, սա կնշանակի, որ ամեն դիկտատոր կարող է իրեն թույլ տալ ստորաբար համաձայնագիր կամ այլ թուղթ ստորագրելուց հետո չիրականացնել իր պարտավորությունները՝ միջազգային կոնվենցիաներով ստանձնած պարտավորությունները։

-Սյունիքի հարցում կա խնդիր՝ կոմունիկացիաներ բացե՞լ, թե՞ ենթարկվել Բաքվի քաղաքականությունը և տալ միջանցք։ Հիմա այս հարցում Սյունիքի, սյունեցիների հարցն ինչպե՞ս պետք է լսելի լինի։

-Այս պարագայում ես կարծում եմ, որ սա միայն սյունեցիների խնդիրը չէ, սա մեր բոլորի խնդիրն է, որովհետև խոսքը գնում է մեր տարածքի, անվտանգության մասին, մեր հնարավոր զարգացման կամ պարտությունների, կորուստների մասին։ Ես կարծում եմ՝ մեզ ավելի բաց ու թափանցիկ ինֆորմացիա պիտի տան իշխանությունները։ Այլևս մենք պիտի չարթնանանք առավոտը և պարզվի, ինչպես նախկինում, ԵՏՄ մտանք մի գիշերվա մեջ, կամ պարզվեց, որ հաղթում ենք, զգետնում ենք, իսկ հետո պարզվեց՝ կապիտուլյացիայի ենք ենթարկվել։

Եթե կան գործողություններ, որոնք ի վնաս Հայաստանի պիտի լինի, բայց իշխանությունը պատրաստ է ի վնաս Հայաստանի գործողությունների, ինքը պետք է կա՛մ ողջամտություն ունենա և հեռանա, կա՛մ պետք է արագացնել իրենց հեռանալու պրոցեսը։ Ուրիշ տարբերակ չկա։

Հույս ունենամ, որ նրանք նվազագույն գիտակցություն, պետականության, պետության նկատմամբ հարգանքի, մեր գոյության խնդրի շուրջ այնքան գաղափար ունեն, գոնե նվազագույն պատկերացում ու պարկեշտություն կունենան, որ մեզ բոլորիս հարվածի տակ չդնեն, ու մի օր հանկարծ չարթնանանք և պարզվի, որ պաշտոնապես մեր ինչ-որ պաշտոնյաներ ինչ-որ փաստաթղթեր են ստորագրել, ու մեզ հետմահու տեղյակ են պահում։ Այսպիսի բան չպետք է լինի։

Հարցազրույցն ամբողջությամբ՝ տեսանյութում։

Գարիկ Հարությունյան