15.09.2026 | 10:15
«Պարզ լճի» հարակից անտառում վնասվածք ստացած քաղաքացուն փրկարարները պատգարակով դուրս են բերել
Թուրքիայի պաշտոնական տվյալները Աֆրինում ունեցած կորուստների մասին
Քաղաքականություն
12.02.2018 | 19:57
Սիրիայում Թուրքիայի բանակի կողմից իրականացվող «Ձիթենու ճյուղ» ռազմական գործողության ընթացքում մինչև հիմա սպանվել է ամենաքիչը 1369 քուրդ զինյալ. տեղեկացնում է EH-ն:
«Timeturk» լրատվական կայքը, հղում անելով Թուրքիայի զինուժի գլխավոր շտաբին, հայտնում է, որ փետրվարի 12-ի դրությամբ Թուրքիայի զինված ուժերից սպանվել է 31 թուրք զինվոր, վիրավորվել՝ 143 զինվոր: Ոչնչացվել է հակառակորդի 627 թիրախ:
Սպանվածների և վիրավորների ցանկում չեն ներառվել «Սիրիայի ազատ բանակ» խմբավորման զինյալները, որոնց հետ միասին են թուրքական ստորաբաժանումները իրականացնում ռազմական գործողություններ Սիրիայի քրդական ուժերի դեմ:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։
