05.08.2026 | 23:19
Արգենտինայի Պատգամավորների պալատում կազմավորվել է Հայաստանի հետ բարեկամության խումբ
Վստահություն չունենք տեղի ունեցող գործընթացների նկատմամբ․ ԿԳՄՍ փոխնախարարը՝ ԵՊՀ հոգաբարձուների խորհրդի կազմից դուրս գալու մասին. ՏԵՍԱՆՅՈՒԹ
Հասարակություն
14.04.2021 | 11:34
ԵՊՀ կայքի Հոգաբարձուների խորհրդի բաժնում` փաստաթղթերի տեղակայման հատվածում, տեղադրված էին հունվարի 29-ի որոշումները: Երբ ծանոթանում ենք աշխատակարգում տեղի ունեցած փոփոխությանը, տեսնում ենք, որ ձևակերպումը չի համապատասխանում խորհրդի կողմից քննարկված և քվեարկված որոշմանը։
Այս մասին այսօր՝ լրագրողների հետ հանդիպմանը նշեց ԿԳՄՍ փոխնախարար Ժաննա Անդրեասյանը՝ անդրադառնալով ԵՊՀ հոգաբարձուների խորհրդի կազմից դուրս գալու պատճառներին։
«Անհասկանալի հանգամանքներում՝ փաստաթղթում դրվում է մի տեքստ, որի համար խորուրդը չի քննարկել։ Երբ հայտնաբերում ենք, որ տեղի է ունեցել քննարկումների և կայացած որոշումների խեղաթյուրում, ապա առնվազն չունենք վստահություն՝ այդ խորհրդում տեղի ունեցող գործընթացների նկատմամբ։ Սա առանցքային նշանակություն ունի»,- նշեց Ժաննա Անդրեասյանը։
ԿԳՄՍ փոխնախարարի խոսքով՝ պետք է կազմավորվի նոր խորհուրդ։
Հավելենք՝ նախօրեին ԵՊՀ հոգաբարձուների խորհրդի՝ կառավարության անդամ հանդիսացող 11 անձ դիմում է գրել, որպեսզի դադարեցնի իր անդամակցությունը խորհրդին:
Մանրամասները՝ տեսանյութում։
Նելլի Մելքոնյան
