Հասարակություն
13.04.2021 | 17:16Տպավորություն ունեմ, որ մեր իշխանության առանձին ներկայացուցիչներ, ժամանակ առ ժամանակ, մուռ են պահում կոնկրետ անձանց, աղբյուրների, երևույթների նկատմամբ և մտածում են՝ ի՞նչ օրենսդրական կարգավորում պիտի լիներ, որ այդ անձին պատժեի կամ այդ աղբյուրը փակեի։ Այսպիսի դրդապատճառներ եմ տեսնում, այլ ոչ լրատվական դաշտն ու տեղեկատվական ոլորտը քաղաքակիրթ ձևով կարգավորելու խնդիր. այս մասին այսօր՝ «Հրապարակային հայհոյանքի, անպարկեշտ վիրավորանքի համար կսահմանվի տուգանք. դատախազության նոր նախաձեռնությունը» թեմայով քննարկմանը նշեց Երևանի մամուլի ակումբի նախագահ Բորիս Նավասարդյանը։
«Արդյոք ցանկացած թեմայի, խնդրի շուրջ հայհոյանք պիտի այդ կարգի պատասխանատվության ենթարկվի՞։ Եթե խոսքը խտրականության մասին է, ռասիստական դրսևորումների, դա այլ բան է։ Բայց եթե այդ թեմատիկ շրջանակը չի սահմանվում օրենքով, դա ինձ համար խնդրահարույց է»,- նշեց Բորիս Նավասարդյանը։
Մանրամասները՝ տեսանյութում։
Նելլի Մելքոնյան
