10.05.2025 | 17:33
Սևանա լճի մակարդակը տարվա սկզբից բարձրացել է 23 սմ-ով
Մեծ մոբիլիզացիոն ռեսուրս կունենանք. Անդրանիկ Քոչարյանը՝ չծառայածների համաներման մասին. ՏԵՍԱՆՅՈՒԹ
Քաղաքականություն
08.04.2021 | 15:39
Պատերազմից հետո ցանկացած պետություն և ցանկացած ժողովուրդ պետք է հանրային ներդաշնակ միջավայր ստեղծի և այդպիսի խնդիրների զրոյացման փուլ պետք է անցնենք։ Այս մասին լրագրողների հետ զրույցում նշեց ՀՀ ԱԺ «Իմ քայլը» խմբակցության պատգամավոր Անդրանիկ Քոչարյանը՝ անդրադառնալով չծառայածների համաներման մասին հարցին։
«Բոլորը մեր երկրի կարևոր ռեսուրսն են։ Այդ որոշումը իրենցը չէ։ Իրենք երեխա են եղել, ծնողներն ունեցել են իրենց մոտիվացիան, այն երկրի անվտանգության հետ առնչություն ունի։ Ծնողը մնում է ծնող, բայց պետությունը պետք է կարողանա այդ ռեսուրսը կառավարել։ Ես համոզված եմ՝ հոգեբանական բարդույթի խնդիրն էլ ունենք և մենք լուծում ենք այդ խնդիրներն այս համաներումով։ Առաջարկությունը եղել է ԱԺ-ինը, Կառավարության հետ եղել են համատեղ քննարկումներ, խորը քննարկումներ եղել են ՊՆ-ի հետ։ Մի մոռացեք, որ տալիս ենք 1 տարի ժամանակ, որ գան և պետության հետ խնդիրները լուծեն»,- մանրամասնեց Քոչարյանը։
Նրա խոսքով՝ Կառավարության նիստից հետո պարզ է դառնում, թե ովքեր կկարողանան օգտվել։
«Մենք ամեն ինչ պետք է անենք, հատկապես՝ ինտելեկտուալ ռեսուրսը մոբիլիզացնենք»,- հավելեց նա։
Մանրամասները՝ տեսանյութում։
