17.09.2026 | 16:17
Ալեն Սիմոնյանը ներկայացրել է Հայաստանի ազգային անվտանգության դոկտրինի հիմնական սկզբունքներն ու առաջնահերթությունները
Արտակ Դավթյանը պետք է դատվի այնպիսի զենքեր գնելու համար, որոնք չէինք կարողանալու կիրառել. Գևորգ Գորգիսյան․ ՏԵՍԱՆՅՈՒԹ
Քաղաքականություն
08.04.2021 | 14:54
Մենք 10․000-ից ավելի հետախուզվող քաղաքացիներ ունենք, որոնց մի մասը մեկնել է սովորելու, բոլորը չեն, որ փախել են։ Մի մասին 5-6 տարեկանից ծնողները տարել են երկրից, ծնողները տեղափոխվել են երեխաների հետ։ Անտեսել դա, խզել կապերը այդ մարդկանց հետ և ասել՝ նրանք հայրենիքին պետք չեն, թող գնան, ինչ ուզում են՝ անեն, ճիշտ չէ։ Նրանք պետք են հայրենիքին։ Այս մասին լրագրողների հետ ճեպազրույցի ժամանակ նշեց ԱԺ «Լուսավոր հայաստան» խմբակցության անդամ Գևորգ Գորգիսյանը՝ անդրադառնալով չծառայածներին համաներում շնորհելու մասին որոշմանը։
Պատասխանելով Արտակ Դավթյանին ուղղված մեղադրանքներին ու վերանշանակմանը վերաբերող հարցին՝ Գորգիսյանը նշեց, որ ապրիլյան հանձնաժողովի շրջանակում կա բավարար նյութ, որպեսզի Արտակ Դավթյանի դեմ հարուցվի քրեական գործ։
«Նույնը կա նաև վերջին պատերազմի ընթացքում։ Բազմաթիվ են հիմքերը, որ Արտակ Դավթյանը պետք է դատվի՝ պետական ռեսուրսները ոչ արդյունավետ օգտագործելու, զենքեր գնելու համար, որոնք ակնհայտ էր, որ մենք չէինք կարողանալու օգտագործել, և շարքից հանել ենք զենքեր, որոնք կարող էինք օգտագործել և մեզ պետք էին լինելու, պատրաստել ենք Հայաստանին պարտության։ Դա արվել է Արտակ Դավթյանի գլխավորությամբ՝ որպես ԳՇ պետ։ Ինչո՞ւ։ Այդ հարցին պիտի տրվեն պատասխաններ, ես կարծում եմ՝ քրեական գործի շրջանակում»,- ասաց Գևորգ Գորգիսյանը։
Մանրամասները՝ տեսանյութում։
