17.09.2026 | 11:00
Կառավարության նիստը՝ ՈՒՂԻՂ
Աշխարհի 23 երկիր կողմ է համաճարակների դեմ պայքարելու մասին միջազգային պայմանագրին
Քաղաքականություն
30.03.2021 | 21:22
Աշխարհի 23 երկրների առաջնորդներն ու Առողջապահության համաշխարհային կազմակերպությունը (ԱՀԿ) հավանություն են տվել միջազգային պայմանագիր ստեղծելու գաղափարին, որը կօգնի աշխարհին` լուծել ապագա առողջապահական արտակարգ իրավիճակները, ինչպիսին է կորոնավիրուսային համաճարակը, գրում է France 24-ը:
Նման համաձայնագրի գաղափարը, որը կամրագրի աշխարհի բոլոր երկրների հավասար հասանելիություն պատվաստանյութերին, դեղորայքին ու համաճարակի ախտորոշման համար անհրաժեշտ սարքավորումներին, առաջարկվել է Եվրոպական խորհրդի նախագահ Շառլ Միշելի կողմից անցյալ տարի նոյեմբերին տեղի ունեցած G20-ի գագաթնաժողովի ժամանակ։
Երեքշաբթի այն պաշտոնապես ստացել է Ֆիջիի, Պորտուգալիայի, Ռումինիայի, Բրիտանիայի, Ռուանդայի, Քենիայի, Ֆրանսիայի, Գերմանիայի, Հունաստանի, Կորեայի, Չիլիի, Կոստա Ռիկայի, Ալբանիայի, Հարավային Աֆրիկայի, Տրինիդադ և Տոբագոյի, Նիդեռլանդների, Թունիսի, Սենեգալի, Իսպանիայի, Նորվեգիայի, Սերբիայի, Ինդոնեզիայի, Ուկրաինայի և ԱՀԿ ղեկավարների հավանությունը:
«Կլինեն այլ համաճարակներ և առողջապահական այլ խոշոր արտակարգ իրավիճակներ: Ոչ մի կառավարություն կամ գործակալություն չի կարող միայնակ հաղթահարել այդ սպառնալիքները», – հայտարարել են երկրների ղեկավարները համատեղ հայտարարությունում:
Տաթև Ֆռանգյան
