09.06.2026 | 17:17
ԱԺ հանձնաժողովները քննարկում են 2025 թվականի պետբյուջեի կատարողականը. ՈՒՂԻՂ
Ադրբեջանում բողոքի ակցիա են կազմակերպել՝ պահանջելով Ալիևի հրաժարականը
Քաղաքականություն
20.03.2021 | 19:39
Ադրբեջանում հերթական բողոքի ակցիան է անցկացվել Բաքվի կենտրոնական Շատրվանների հրապարակում։ Արտասահմանում բնակվող ադրբեջանցի բլոգերների նախաձեռնությամբ կազմակերպված ակցիային մասնակցել են նաև երկրի տարբեր շրջանների բնակիչներ։
Նրանք լրատվամիջոցներին պատմել են իրենց սոցիալական դժվարությունների, տնտեսական իրավիճակի վատթարացման մասին, ներկայացրել բողոքները։ Ակցիայի մասնակիցները հնչեցրել են հակակառավարական կոչեր, նաև պահանջել Ադրբեջանի նախագահ Իլհամ Ալիևի հրաժարականը։
Ցուցարարները նաև պահանջել են ազատ արձակել քաղբանտարկյալներին և երկրում խոսքի ազատություն ապահովել։ Ոստիկանությունը ուժով ցրել է ակցիան։
Էմմա Չոբանյան
