13.12.2024 | 21:28
Հայաստանը նպատակ ունի վերակառուցել տարածաշրջանում համագործակցությունը. ԱԳՆ գլխավոր քարտուղար
Տանզանիան նոր նախագահ ունի․ AlJazeera
Քաղաքականություն
19.03.2021 | 22:49
Տանզանիայում նախագահ Ջոն Մագուֆուլիի մահից հետո երկրի ղեկավարի պաշտոնը ստանձնել է փոխնախագահ Սամիա Սուլուհու Հասան։ Այս մասին հայտնում է AlJazeera-ն։
Երկրի ամենամեծ քաղաք Դար էս-Սալամում այսօր տեղի է ունեցել նրա երդմնակալության արարողությունը։
«Խոստանում եմ լինել ազնիվ, հնազանդվել և պաշտպանել Տանզանիայի Սահմանադրությունը»,- ասել է Տանզանիայի նոր նախագահը:
Նա դարձել է աֆրիկյան երկրի առաջին կին ղեկավարը: Երդումը տալուց հետո կարճ ելույթի ժամանակ Սուլուհուն ասել է, որ Ջոն Մագուֆուլիի սուգը կտևի 21 օր, իսկ հուղարկավորությունը տեղի կունենա մարտի 25-ին:
Հիշեցնենք՝ երեկ կյանքի 61-րդ տարում մահացել էր Տանզանիայի նախագահ Ջոն Մագուֆուլին։ Մահվան պատճառը սրտի խնդիրներն էին։
Ավելի վաղ բրիտանական BBC-ն, հղում կատարելով Տանզանիայի ընդդիմության առաջնորդ Տունդի Լիսուին, մարտի 10-ին հայտնել էր, որ 61-ամյա Մագուֆուլին գտնվել է Քենիայի հիվանդանոցում՝ կորոնավիրուսային հիվանդության ու սրտի հետ ունեցած խնդիրների պատճառով։
Նելլի Մելքոնյան
