01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Դեղամիջոցների եվրոպական գործակալությունը հրապարակել է AstraZeneca-ի անվտանգության հետաքննության արդյունքները
Քաղաքականություն
19.03.2021 | 16:55
Դեղամիջոցների եվրոպական գործակալության անվտանգության կոմիտեն ավարտել է AstraZeneca-ով պատվաստվածների մոտ արյան մակարդուկների (թրոմբ) գոյացության դեպքերի նախնական հետաքննությունը։
Կոմիտեից հայտնում են, որ որևէ կապ չեն գտել AstraZeneca-ի պատվաստումների և որոշ հիվանդների մոտ թրոմբի դեպքերի միջև։
«Դեռևս լայն տարածում ունեցող COVID-19-ի դեմ պայքարում (որն ինքնին հանգեցնում է արյան թանձրացման խնդիրների և կարող է մահացու լինել) AstraZeneca պատվաստանյութի օգտակար կողմերը շարունակում են գերակշռել կողմնակի ազդեցությունների ռիսկին։
Պատվաստանյութը կապված չէ այն ստացող մարդկանց մոտ արյան թրոմբների (թրոմբոէմբոլիկ դեպքերի) ընդհանուր ռիսկի ավելացման հետ։ Պտվաստանյութի հատուկ խմբաքանակի կամ արտադրական որոշակի տեղամասերի հետ կապված որևէ խնդրի մասին վկայություն չկա։
Այնուամենայնիվ, պատվաստանյութը կարող է կապված լինել արյան հյուսվածքներին առնչվող շատ հազվադեպ դեպքերի հետ, այսինքն՝ արյան թրոմբոցիտների ցածր մակարդակ՝ արյունահոսությամբ կամ առանց դրա, այդ թվում՝ ուղեղից արյունն արտանետող անոթներում թրոմբների հազվադեպ դեպքեր»,- ասված է Դեղամիջոցների եվրոպական գործակալության զեկույցում։
Նշվում է, որ AstraZeneca պատվաստանյութի ամենատարածված կողմնակի ազդեցությունները, սովորաբար, մեղմ կամ չափավոր են և բարելավվում են պատվաստումից հետո մի քանի օրվա ընթացքում:
Հիշեցնենք՝ Եվրամիության մի շարք երկրներ նախորդ օրերին դադարեցրել են AstraZeneca-ով պատվաստումները՝ դրանք ստացած մարդկանց մոտ առանձին դեպքերում թրոմբոցիտների քանակի պակասի և բարդացումների մասին ահազանգերի պատճառով։
Հավելենք՝ երեկ ՀՀ առողջապահության նախարար Անահիտ Ավանեսյանը լրագրողների հետ զրույցում հայտարարեց, որ Հայաստանում AstraZeneca տեսակի պաստվատանյութը դեռ չի կիրառվում։
