17.09.2026 | 13:36
Մեղրիի քաղաքապետը, լինելով ՔՊ-ական, ժողովրդի հանքից թալան ա անում, բա էդ հարցը տվեք․ Վարդևանյան․ ՏԵՍԱՆՅՈՒԹ
Պատերազմին մասնակցած անձանց հոգեբանական վերականգնման ծառայություն մատուցելու համար հայտարարված մրցույթի հաղթողը հայտնի է
Հասարակություն
18.03.2021 | 23:10
ՀՀ արտակարգ իրավիճակների նախարարությունը տեղեկացնում է, որ ռազմական գործողություններին մասնակցած անձանց և հանրության հոգեբանական վերականգնման նպատակով մասնագիտական թիմ ձևավորելու համար ՀՀ կառավարության որոշմամբ ԱԻՆ-ի կողմից փետրվարի 17–ին հայտարարված մրցույթին մասնակցել են «Մելքոնյան Վարժարան» ՍՊ ընկերությունը և Սեդա Ղազարյանի անվան հոգեկան առողջության հիմնադրամը: Գնային առաջարկ պարունակող հայտերը բացվել են էլեկտրոնային եղանակով՝ 04.03.2021թ., ժամը 16.00-ին:
Ղեկավարվելով ՀՀ կառավարության 04.05.2017թ. թիվ 526-Ն որոշմամբ հաստատված «Գնումների գործընթացի կազմակերպման» կարգի 41-րդ կետով` մարտի 10-ի նիստը կասեցվել է մեկ աշխատանքային օրով, մասնակիցներին ծանուցվել է՝ սահմանված ժամկետում շտկել ներկայացված փաթեթներում արձանագրված անհամապատասխանությունները։ Մասնակիցների հայտերը գնահատվել են բավարար:
Մարտի 16-ին մրցույթին մասնակցած երկու կազմակերպությունների՝ Սեդա Ղազարյանի անվան հոգեկան առողջության հիմնադրամի և «Մելքոնյան Վարժարան» ՍՊԸ-ի ներկայացուցիչները հրավիրվել են գների նվազեցման շուրջ միաժամանակյա բանակցությունների: Արդյունքում՝ ընտրված մասնակից է ճանաչվել Սեդա Ղազարյանի անվան հոգեկան առողջության հիմնադրամը:
