30.06.2026 | 18:30
Հայաստանի և Վրաստանի ՆԳ նախարարները քննարկել են երկկողմ համագործակցության ու տարածաշրջանային խաղաղության հարցեր
Մարտի 19-ին ԱԺ արտահերթ նիստ կանցկացվի
Քաղաքականություն
18.03.2021 | 17:27
Ազգային ժողովի խորհուրդն այսօր արտահերթ նիստ է անցկացրեց, որում համաձայնություն է տրվել վաղը՝ մարտի 19-ի ժամը 11:00-ին Կառավարության սահմանած օրակարգով և ժամկետում Ազգային ժողովի արտահերթ նիստ գումարելուն:
Օրակարգում «ՀՀ Դատական օրենսգիրք» սահմանադրական օրենքում փոփոխություններ և լրացումներ կատարելու մասին», «ՀՀ Քրեական դատավարության օրենսգրքում լրացումներ կատարելու մասին», «ՀՀ Քաղաքացիական դատավարության օրենսգրքում փոփոխություններ և լրացումներ կատարելու մասին», «ՀՀ Վարչական դատավարության օրենսգրքում փոփոխություններ և լրացումներ կատարելու մասին», «Պետական տուրքի մասին» օրենքում լրացումներ կատարելու մասին» օրենքների նախագծերի փաթեթն է։
Նախագծերի փաթեթի հիմնավորման մեջ ասվում է, որ առաջարկվող փոփոխությունների և լրացումների նպատակն է՝ ապահովել գործերի դատական քննության արդյունավետ իրականացումը, դրանց մասնակիցների իրավունքների և օրինական շահերի պատշաճ իրացումը, գործերը ողջամիտ ժամկետներում քննելու և լուծելու պահանջի ապահովումը, դատարանների բնականոն գործունեության ապահովման ինստուտիցիոնալ երաշխիքների ամրապնդումը և ՀՀ մասնակցությամբ միջազգային պայմանագրերի հիման վրա ստեղծված միջազգային դատական ատյանների ու ՀՀ Վճռաբեկ դատարանի դատական ակտերով արձանագրված մարդու իրավունքների և ազատությունների ու խախտումների հետևանքների վերացումն ու այդ խախտումների զոհերի իրավունքների վերականգնումը։
Իշխանությունը ցանկանում է հրատապ ընդունել նախագծերի փաթեթը՝ դատական համակարգի խնդիրները լուծելու նպատակով։
Մերի Մարտիրոսյան
