11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Բայդենը հայտարարել է, որ Պուտինը «կվճարի» ԱՄՆ ընտրություններին միջամտելու համար
Քաղաքականություն
17.03.2021 | 17:07
ԱՄՆ նախագահ Ջո Բայդենը հայտարարել է, որ Ռուսաստանի Դաշնության նախագահ Վլադիմիր Պուտինը «կվճարի» 2020 թվականի ԱՄՆ ընտրություններին ենթադրյալ միջամտության համար, գրում է ABC-ն:
Այսօր ԱՄՆ Հետախուզության գլխավոր գործակալությունը հրապարակել էր 2020 թ. ընտրություններին օտարերկրյա միջամտության վերաբերյալ զեկույց, որում ասվում է, որ Պուտինը քրտնաջան աշխատել է նախագահական ընտրություններում Բայդենի թեկնածությունը «արատավորելու» համար:
ԱՄՆ ղեկավարի խոսքով՝ ՌԴ նախագահը «կվճարի» նման գործողությունների համար։ Բայդենը հիշեցրել է, որ նրանք Պուտինի հետ հեռախոսազրույց են ունեցել հունվարի վերջին, և նրանց միջև երկարատև զրույց է տեղի ունեցել։
«Զրույցի սկզբում ես ասացի՝ գիտեմ Ձեզ, Դուք էլ ինձ գիտեք։ Եթե ապացուցեմ, որ դա տեղի է ունեցել (2020 թվականի ԱՄՆ ընտրությունների միջամտությունը- խմբ.), ապա պատրաստ եղեք»,- հայտարարել է ԱՄՆ նախագահը ABC-ին տված հարցազրույցում։
Ընդ որում, Բայդենը չի մանրամասնել, թե ինչ պատժամիջոցներ կկիրառի ընտրություններին աջակցելը ապացուցվելու դեպքում։
Անդրադառնալով ԱՄՆ սույն մեղադրանքներին՝ ՌԴ նախագահի մամլո քարտուղար Դմիտրի Պեսկովը զեկույցն անվանել է սխալ ու առանց ապացույցների։
Տաթև Ֆռանգյան
