18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Հայաստան ռուսական գազի մատակարարումները ժամանակավորապես իրականացվելու են Ադրբեջանի տարածքով․ «Գազպրոմ էքսպորտ»
Քաղաքականություն
17.03.2021 | 14:55
«Հյուսիսային Կովկաս-Անդրկովկաս» գազատարի վերանորոգման պատճառով Հայաստան ռուսական գազի մատակարարումները ժամանակավորապես իրականացվելու են Ադրբեջանի տարածքով։ Այս մասին հայտնում է ռուսական «Կոմերսանտը»՝ հղում կատարելով «Գազպրոմ էքսպորտ»-ին:
Տեղեկացվում է, որ մարտի 16-ին ռուսական ընկերությունը կարճաժամկետ պայմանագիր է կնքել Ադրբեջանի պետական նավթային ընկերության հետ՝ Ադրբեջանի տարածքով գազի փոխադրման համար:
«Պայմանագիրը նախատեսում է, որ Հյուսիսային Կովկաս-Անդրկովկաս գազատարի ռուսական հատվածում պլանային-կանխարգելիչ վերանորոգման աշխատանքների ընթացքում գազը սպառողներին է մատակարարվելու Ադրբեջանի տարածքով՝ մինչև Վրաստանի հետ սահմանը», – հայտնել է «Գազպրոմ էքսպորտ» -ը։
Տեղեկացվել է, որ աշխատանքները կընթանան շուրջ երեք շաբաթ, դրանց ավարտից հետո գազի փոխադրումը նախկինի պես կանցնի Ռուսաստանի և Վրաստանի տարածքով:
Հիշեցնենք, որ Հայաստանի գազամատակարարումը իրականացվում է Կարմիր Կամուրջ-Սևքար-Բերդ մայրուղային գազատարով:
Տաթև Ֆռանգյան
