17.09.2026 | 15:10
Փաշինյանը՝ ռուսական ռազմաբազայի դուրսբերման մասին // Գերմանիան ՀՀ ՊՆ-ին ձնագնացներ է նվիրել․ ԼՈՒՐԵՐ
Սոֆիայի համալսարաններից մեկում երկար տարիներ կեղծ դոլար ու եվրո է տպվել
Քաղաքականություն
17.03.2021 | 16:11
Բուլղարիայի ոստիկանությունն իր ամերիկացի գործընկերների հետ համատեղ օպերացիա են իրականացրել Սոֆիայի համալսարաններից մեկում, որտեղ երկար ժամանակ տպվել են ամենաբարձր որակի կեղծ դոլարային թղթադրամներ, գրում է euronews-ը:
Առգրավվել են տպիչներ և փող տպելու այլ սարքավորումներ: Առգրավել է նաև 4 միլիոն կեղծ ԱՄՆ դոլար և ավելի քան 3,5 միլիոն կեղծ եվրո:
Ուսումնական հաստատության անվանումը դեռևս չի հրապարակվում։
Ձերբակալվել է 2 մարդ։ Ինչպես հայտնել են մայրաքաղաքի դատախազությունից, ձերբակալված կինն ու տղամարդը բուհի աշխատակիցներ են։ Հետաքննության տվյալների համաձայն՝ նրանք ստացել են կեղծված թղթադրամների 10%-ը։
Ոստիկանությունից ենթադրում են, որ կասկածյալները հանդիսանում են խոշոր հանցավոր խմբավորման անդամներ, որը զբաղվում է թղթադրամների մաքսանենգությամբ Ուկրաինայում ու արևմտյան Եվրոպայում։
Տաթև Ֆռանգյան
