18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Իսլամիստները Մոզամբիկում 11 տարեկանից փոքր երեխաների են գլխատում․ BBC
Քաղաքականություն
16.03.2021 | 23:11
«Փրկեք երեխաներին» օգնության գործակալությունը հայտնել է, որ իսլամիստ գրոհայինները Մոզամբիկի հյուսիսային Կաբո Դելգադո նահանգում գլխատում են 11 տարեկանից փոքր երեխաների, հաղորդում է BBC News-ը:
Մայրերից մեկը գործակալությանը հայտնել է, որ ստիպված է եղել իր մյուս երեխաների հետ թաքստոցից հետևել, թե ինչպես են իր 12-ամյա որդուն սպանել:
Ավելի քան 2500 մարդ գլխատվել է, իսկ 700․000-ը հեռացել է իրենց տներից այն բանից հետո, երբ 2017 թվականից իսլամիստները սկսել են իրենց ապստամբությունը։ Նշվում է, որ երեխաներին սպանողները «Իսլամական պետություն» խմբավորման հետ կապ ունեցող ահաբեկիչներ են։
«Փրկեք երեխաներին» հիմնադրամն իր զեկույցում խոսել է տեղահանված ընտանիքների հետ, որոնք պատմել են գազով հարուստ նահանգներում տեղի ունեցած սարսափելի տեսարանների մասին։
Մայրերից մեկը, ում անունը գաղտնի է պահվում, պատմել է, որ իր ավագ որդին գլխատվել է այն վայրի մոտակայքում, որտեղ թաքնված են եղել ինքն ու իր մյուս երեխաները։
«Այդ գիշեր մեր գյուղը հարձակման ենթարկվեց, տները հրդեհեցին»,- ասել է նա։
«Երբ այդ ամենը սկսվեց, ես տանն էի իմ 4 երեխաների հետ։ Մենք փորձեցինք փրկվել՝ փախչելով դեպի անտառ, սակայն նրանք բռնեցին իմ ավագ որդուն ու գլխատեցին։ Մենք ոչինչ չէինք կարող անել, քանի որ մենք ևս կսպանվեինք»,- պատմել է կինը։
Տաթև Ֆռանգյան
