31.10.2026 | 22:55
Հայտնաբերվել է զինծառայողի դի. ՊՆ
ՌԴ Քննչական կոմիտեն քրեական գործ է հարուցել Խաչատրյան քույրերի սպանված հոր նկատմամբ
Քաղաքականություն
11.03.2021 | 16:31
ՌԴ Քննչական կոմիտեն քրեական գործ է հարուցել մահացած Միխայիլ Խաչատրյանի նկատմամբ։ Այս մասին գաղտնիության պայմանով «ՌԻԱ Նովոստիին» հայտնել է գործընթացին մասնակցող փաստաբաններից մեկը։
«Խաչատրյանի նկատմամբ քրեական գործ է հարուցվել ՔՕ 132 հոդվածի 3-րդ մասով՝ «Սեքսուալ բնույթի բռնի գործողություններ», 133 հոդվածով՝ «Սեքսուալ բնույթի գործողությունների դրդում» և 117 հոդվածով՝ «Խոշտանգում» »,- պարզաբանել է գործակալության զրուցակիցը։
Նշվում է, որ դեռևս այս տեղեկությունները պաշտոնական հաստատում չեն ստացել։
Հիշեցնենք, որ ռուսաստանաբնակ հայազգի 18, 19 և 20 տարեկան Քրիստինա, Անգելինա և Մարիա Խաչատրյան քույրերը մեղադրվում են իրենց հորը դիտավորյալ սպանելու համար: Փաստաբանները պնդում են, որ սպանությունը տեղի է ունեցել ինքնապաշտպանության շրջանակներում՝ երկարամյա տանջանքների, ծեծի, սեռական բռնության ֆոնին: Քույրերի շահերը ներկայացնող իրավաբանները պահանջում են դադարեցնել քրեական գործը:
Փաստաբանները հղում են անում հոգեբույժներին, որոնք իրենց հերթին պնդում են, որ Մարիա Խաչատուրյանը սպանության պահին անմեղսունակ վիճակում էր հոր ագրեսիայի պատճառով:
Տաթև Ֆռանգյան
