11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Թուրքիան չի բացառել ռուսական Սու-35 և Սու-57 կործանիչների գնումը
Քաղաքականություն
11.03.2021 | 16:00
Թուրքիան չի բացառել ռուսական Սու-35 և Սու-57 կործանիչների գնումը, սակայն առաջնահերթություն է համարում 5-րդ սերնդի սեփական արտադրության կործանիչներ ստեղծելը։ Այս մասին «ՌԻԱ Նովոստիին» ասել է Թուրքիայի արդյունաբերության ու տեխնոլոգիաների նախարար Մուստաֆա Վարանկը։
«Եթե Ռուսաստանն ինքնաթիռ ունի, որը համապատասխանում է մեր պահանջներին, եթե դժվարություններ չեն առաջանա մեր համակարգում ներդնելու ու գործարկելու համար, ապա, իհարկե, մենք կարող են այն գնել Ռուսաստանից կամ Եվրոպայում մեկ այլ երկրից։ Այս առումով մենք չունենք որևէ կատեգորիկ անտագոնիստական դիրքորոշում»,- ասել է գործակալության զրուցակիցը՝ պատասխանելով Թուրքիայի կողմից ռուսական Սու-35 և Սու-57 կործանիչների գնման հնարավորության վերաբերյալ հարցին։
Ըստ նրա՝ այդ հարցերը հաճախ են բարձրաձայնվում երկու երկրների ղեկավարների հանդիպումների ժամանակ:
Տաթև Ֆռանգյան
