13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
ՄԱԿ-ի ԱԽ-ն քննադատել է Մյանմարում ցուցարարների հանդեպ բռնության կիրառումը
Քաղաքականություն
11.03.2021 | 15:48
ՄԱԿ-ի Անվտանգության խորհուրդն անհանգստացած է Մյանմարում բուժաշխատողների, քաղաքացիական հասարակության ու լրագրողների վրա ճնշումներով։ ՄԱԿ-ի ԱԽ-ն միաձայն քննադատել է խաղաղ բողոքի ցույցերի մասնակիցների հանդեպ բռնությունը, գրում է DW-ի ռուսական ծառայությունը՝ հղում կատարելով անանուն դիվանագետներին։
Խորհուրդն իր խորը անհանգստությունն է հայտնել «բուժանձնակազմի, քաղաքացիական հանրության, արհմիությունների անդամների ու ԶԼՄ-ների աշխատակիցների հանդեպ սահմանափակումների կապակցությամբ», ինչպես նաև կոչ է արել ազատ արձակել բոլոր կամայական ձերբակալվածներին։
ՄԱԿ-ում ընդգծել են, որ իշխանության եկած զինվորականները պետք է զսպվածություն դրսևորեն։ Նիստի ժամանակ ընդունված հայտարարության մեջ ասվում է, որ Անվտանգության խորհուրդը կհետևի Մյանմարում իրավիճակին, սակայն բուն փաստաթղթում չի հիշատակվել ռազմական հեղաշրջման կամ միջազգային պատժամիջոցներ կիրառելու հնարավորության մասին։
Տաթև Ֆռանգյան
