24.04.2026 | 23:32
Կապանում ջրանջատում կլինի
Մի քանի «գոլովորեզներ» երեկ գուցե մտնեին ԱԺ շենք և անեին այն, ինչ մտմտում են. Աղազարյան. ՏԵՍԱՆՅՈՒԹ
Քաղաքականություն
04.03.2021 | 15:22
Իրավապահները, ըստ երույթին, տեղեկություններ ունեին, որ հանրահավաքում հնարավոր են սադրիչ գործողություններ։ Այսօր ԱԺ-ում լրագրողների հետ զրույցում այս մասին ասաց «Իմ քայլը» խմբակցության պատգամավոր Հովիկ Աղազարյանը` մեկնաբանելով ԱԺ պատշգամբներում դիպուկահարների տեղակայման փաստը:
«Վազգեն Մանուկյանը հարթակից հայտարարում է՝ հատ-հատ պատգամավորներին կբերենք: Ես չէի հավատում, որ ինքը այդպես կարող է արտահայտվել, իր մասին ուրիշ կարծիքի էի: Ասում են՝ կայծակնային արագությամբ շենքեր գրավենք, իշխանություն վերցնենք: Եթե գլխավոր շտաբը չշարունակի այս գործելաոճը, ապա բանակը ինքը ոտքի պետք է կանգնի: Այդ կոչերը հիմք են տալիս մտածելու, որ միգուցե Վազգեն Մանուկյանը հոգու խորքում իշխանափոխության այլ ճանապարհ է պատկերացնում, բայց անկասկած կգտնվեն ուժեր, որ այդ սադրիչ գործողությունները կանեն՝ իքս պահին իրենց ծրագրերն իրականացնելու համար: Դա կարող է տեղի ունենալ հետևյալ կերպ՝ ցույց կազմակերպեն, հավաքեն ԱԺ դարպասների մոտ մի 5-6 հազար մարդ, որի մեջ կլինեն 500 հոգի «головорез»-ներ, որոնք փորձեն մտնել խորհրդարանի տարածք և անեն այն, ինչ ծրագրում, մտմտում են այս մի քանի ամիսների ընթացքում»,- նշեց Աղազարյանը:
Մանրամասները՝ տեսանյութում:
